जंगलात वाघाची चलती असते म्हणजे सगळं काही त्याला त्याच्या मनासारखं करता येतं. सगळे प्राणी त्याला घाबरतात असं आपण ऐकलं आहे. पण सोशल मीडियात व्हायरल झालेल्या एका व्हिडीओने सर्वांनात अवाक् केलंय. आयएफएस सुशांता नंदा यांनी हा व्हिडीओ शेअर केला असून कॅप्शनला लिहिले की, 'टायगर, अजगरामुळे आपला रस्ता बदलतो'. या व्हिडीओवर लोकांच्या वेगवेगळ्या कमेंट आहेत.
हा व्हिडीओ नुकताच व्हायरल झाला असून सर्वांत लक्ष वेधून घेत आहे. कारण वाघाचा असा व्हिडीओ त्यांनी कधी पाहिला नाही. अनेकजण हेच म्हणत आहेत की, वाघाने समजदारीने काम घेतलं. आतापर्यंत या व्हिडीओला ५ हजारपेक्षा जास्त व्ह्यूज मिळाले आहेत आणि ५०० पेक्षा जास्त लाइक्स मिळाले आहेत.
या ४४ सेकंदाच्या व्हिडीओत तुम्ही बघू शकता की, एक भलामोठा अजगर रस्त्याच्या मधोमध आहे. त्याने रस्ता अडवून ठेवलाय. रस्त्याने जात असलेल्या वाघाची नजर त्याच्यावर पडते. तो जागेवर काही वेळ थांबतो आणि विचार करतो. वाघ थोडा पुढे जातो तर अजगर हालचाल करून वाघाला मागे सरकण्यास भाग पाडतो. थोडा वेळ विचार करून वाघ आपला रस्ता बदलतो आणि पुढे जातो. वाघाचं हे रूप याआधी कधी बघायला मिळालं नाही.
Viral Video : जंगलात फिरत होत्या तीन तरूणी, अचानक त्यांच्याजवळ आलं अस्वल आणि....