Viral Gym Video:सोशल मीडियाच्या दुनियेत दररोज विविध प्रकारचे व्हिडिओ व्हायरल होतात. सध्या जिममधील एका नव्या व्हिडिओने इंटरनेटवर धुमाकूळ घातला आहे. या व्हिडिओत एका अतिशय बारीक/हाडकुळा तरुण जिममध्ये अतिशय आक्रमकतेने व्यायाम करताना दिसतोय. विशेष म्हणजे, जिममध्ये एक खास गाणे वाजल्यानंतर, त्या तरुणाच्या अंगात वेगळीच उर्जा संचारते.
गाणे वाजले अन् तरुण पेटला
व्हिडिओमध्ये दिसते की, जिममध्ये 'शादी में जरूर आना' या चित्रपटातील लोकप्रिय गाणे ‘ठुकरा के मेरा प्यार, मेरा इंतकाम देखेगी’ वाजताच, या बारीक तरुणाच्या अंगात वेगळीच उर्जा संचारते. तो इतक्या जोशात व्यायम करायला लागतो की, जिममध्ये उपस्थित इतर तरुण थक्क होतात. त्याच्या चेहऱ्यावरचा राग, हालचाली आणि ‘रिव्हेंज मूड’मुळे नेटकरी हसता हसता लोटपोट झाले आहेत.
व्हिडिओवर मजेशीर कमेंट
या व्हिडिओवर नेटकऱ्यांनी विविध कमेंट्स केल्या आहेत. एकाने म्हटले, “भाऊ, इतका राग जिमवर का काढतोस? जरा आराम कर, नाहीतर इंतकामच्या चक्करमध्ये इंतकाल होईल!” आणखी एकाने कमेंट केले, “भाईच्या डेडिकेशनला सलाम! इतकी मेहनत तर प्रो बॉडीबिल्डर्सही करत नाहीत.” तर एकाने हसत लिहिले, “हे पाहून माझे जिमचे पहिले दिवस आठवले. तेव्हा मीही असा सुपरहिरो बनायचा प्रयत्न करत होतो!”
लाखो व्ह्यूज, हजारो लाईक्स
हा भन्नाट व्हिडिओ @Aditi_Menon_123 या X (पूर्वीचे ट्विटर) अकाउंटवरून शेअर करण्यात आला आहे. व्हिडिओला आतापर्यंत लाखो व्ह्यूज आणि हजारो लाईक्स मिळाले आहेत.
Web Summary : A viral gym video shows a young man intensely working out to a heartbreak song. His passionate, revenge-fueled exercise amuses viewers online, drawing humorous comments about breakups and gym dedication.
Web Summary : एक वायरल जिम वीडियो में एक युवक दर्द भरे गाने पर तीव्रता से कसरत कर रहा है। उसके जुनून और बदले की भावना से भरे व्यायाम को देखकर ऑनलाइन दर्शक हंस रहे हैं और ब्रेकअप और जिम के प्रति समर्पण पर मजेदार टिप्पणियां कर रहे हैं।