सोशल मीडियावर लाइक्स आणि व्ह्यूज मिळवण्यासाठी लोक विविध प्रकारचे फंडे करत असतात. काही लोक तर खोडसाळपणा करूनही लाखो लाईक्स आणि व्ह्यूज मिळवतात. अनेक जण तर खोडसाळपणा करून शांतता प्रीय प्राण्यांनाही त्रास देतात आणि स्वतःला अडचणीत आणतात. तुम्हीही असेच काही करत असाल तर सावधान... कारण सध्या एक असाच व्हिडिओ सोशल मीडियावर जहरदस्त व्हायरल होत आहे. यात एका मुलीने शांतपणे गवत खात असलेल्या हत्तीला निष्कारण छेडले, यानंतर काय घडले? तुम्ही स्वतःच बघा.
सोशल मीडियावर एक व्हिडिओ व्हायरल होत आहे. यात एक तरुणी हत्तीसोबत व्हिडिओ बनविण्याचा प्रयत्न करत आहे. व्हिडिओमध्ये हत्ती गवत खाताना दिसत आहे. कॅमेऱ्यासाठी पोज देताना ही तरुणी हत्तीजवळ जाते. यावेळी तरुणी जवळ येताना पाहून हत्ती भडकतो आणि तिच्यावर हल्ला करतो.
संबंधित तरुणीचे कृत्य पाहून भडकलेला हत्ती तिला आपल्या जोरदार धडक देतो. या धडकेने तरुणी दूर जाऊन पडते आणि आडा ओरड करत तेथून पळून जाते. हत्तीच्या हल्ल्याने तिला दुखापत झाल्याचेही दिसते. हा व्हिडिओ सध्या सोशल मीडियावर जबरदस्त व्हायरल होत आहे. या व्हिडिओवर लोक विविध प्रकारच्या प्रतिक्रिया देत आहेत. हा व्हिडिओ आतापर्यंत 24 मिलियनहून अधिक लोकांनी बघितला आहे.