सोशल मीडियावर असे अनेक व्हिडिओ बघायला मिळतील, ज्यांत काही लोक आपण इतरांपेक्षा कसे वेगळे आहोत, हे दाखवण्याचा प्रयत्न करताना दिसतात. त्यांच्या अशा वागण्याने त्यांना मोठी किंमतही चुकवावी लागते. असाच एक व्हिडीओ सोशल मीडियावर समोर आला आहे. या व्हिडिओमध्ये एक व्यक्ती आपली कार भरधाव चालवताना अडचणीत सापडल्याचे दिसत आहे. ती अरुंद रस्त्यावर समोरून येणार्या मोठ्या वाहनाला जागा देण्याऐवजी जबरदस्तीने त्या वाहनाच्या शेजारून कार काढण्याचा प्रयत्न करताना दिसते आहे. तसेच, या व्यक्तीला अशा वागण्याची मोठी किंमतही चुकवावी लागल्याचे या व्हिडिओमध्ये दिसत आहे.
व्हायरल होत असलेला हा व्हिडिओ सोशल मीडियाच्या अनेक प्लॅटफॉर्मवर शेअर करण्यात आला आहे. या व्हिडिओत दिसत आहे, की डोंगरातील अरुंद रस्त्यावरून एक बस येत आहे. यामुळे संपूर्ण रस्ता ब्लॉक झाला आहे. अशा स्थितीत कार चालक आपली कार बससमोरून मागे घेण्याऐवजी तिला डोंगराचा आधार घेत ओव्हरटेक करण्याचा प्रयत्न करत आहे.
व्हिडीओमध्ये दिसत आहे की, ही कार बसला ओव्हरटेक करताच उलटते. यानंतर या उलटलेल्या कारमधून सर्वजण हळूहळू बाहेर पडताना दिसतात. हा व्हिडिओ सोशल मीडियावर जबरदस्त व्हायरल होत आहे.
हा व्हिडिओ पाहून अनेकांचे टेन्शन वाढत आहे. बातमी लिहेपर्यंत हा व्हिडिओ लाखो लोकांनी पाहिला होता. तसेच लोक मोठ्या प्रमाणावर या व्हिडिओला लाईक आणि शेअरही करत आहेत