साप या प्राण्याचं फक्त नाव जरी काढलं तरी अंगावर काटा उभा राहतो. अत्यंत विषारी अन् प्राणघातक असलेला हा जीव पाहताच अनेकांची भंबेरी उडते. पण त्यातही तो साप दुतोंडी असेल असेल तर ते त्याहुन भयानक. सापाचं भक्ष्य म्हणजे उंदीर. अशा उंदरांना गिळतानाचा भयंकर व्हिडिओ सध्या सोशल मिडियावर व्हायरल होत आहे. यात एका दुतोंडी सापाने जे केलंय ते पाहुन तुमचा थरकाप होईल...
व्हायरल होणाऱ्या व्हिडिओमध्ये दिसतं, की हा साप एका टायरच्या मध्ये बसलेला आहे आणि यातच दोन उंदराची पिल्लेही दिसत आहेत. आश्चर्याची बाब म्हणजे सापाने आपल्या एका तोंडाने एका उंदराला पकडून ठेवलं आहे तर दुसऱ्या तोंडात दुसऱ्या पिल्लाला पकडलं आहे.
हा व्हिडिओ snake._.world नावाच्या अकाऊंटवरुन सोशल मीडिया प्लॅटफॉर्म इन्स्टाग्रामवर शेअर केला गेला आहे. आतापर्यंत व्हिडिओला 10 हजारहून अधिक व्ह्यूज मिळाले आहेत. हा व्हिडिओ पाहून सोशल मीडिया यूजर्सही हैराण झाले आहेत आणि यावर निरनिराळ्या प्रतिक्रिया देत आहेत.
सोशल मीडियावर व्हायरल होणाऱ्या या व्हिडिओवर यूजर्स संमिश्र प्रतिक्रिया देताना दिसत आहेत. एका यूजरने सवाल केला की यांचं पोटही एक नाहीये का? तर अनेकांनी हा व्हिडिओ हृदय पिळवटून टाकणारा असल्याचं म्हटलं आहे. एका यूजरने व्हिडिओवर कमेंट करत म्हटलं, हा व्हिडिओ सामान्य नाही. तो सेन्सेटिव्ह कॅटेगिरीमध्ये ठेवून शेअऱ करायला हवा.