Shocking Video: सध्या सोशल मीडियावर अनेक प्रकारचे व्हिडिओ व्हायरल होत असतात. स्वतःला व्हायरल करण्यासाठी लोकं काहीही करायला तयार होतात, अनेकवेळा आपला जीव धोक्यात घालतात. अशाचप्रकारचा एक व्हिडिओ सध्या व्हायरल होत आहे. या व्हिडिओमध्ये एक तरुण रिल्स बनवण्यासाठी स्वत:च्या पाठीला आग लावतो.
व्हायरल व्हिडिओमध्ये तुम्ही पाहू शकता की, एक तरुण रिल्स बनवण्यासाठी धोकादायक स्टंट करतो. यासाठी तो स्वत:च्या पाठीवर आग लावतो. पाठीवर ही आग अचानक वाढते, आग वाढल्यानंतर त्या तरुणाला आपला मुर्खपणा कळतो आणि तो तात्काळ आग विझविण्याचा प्रयत्न करतो.
बाथरुमच्या दिशेने धावतोआग लागल्यानंतर तरुण जोरजोरात ओरडू लागतो आणि शर्ट काढतो. ही आग त्याच्या बनियानलाही लागलेली दिसते, यानंतर तो तात्काळ बाथरुमच्या दिशेने पळतो. ट्विटरवर @ViciousVideos नावाच्या अकाऊंटवरुन हा व्हिडिओ शेअर करण्यात आला आहे. 18 सेकंदाचा हा व्हिडिओ खूप वेगाने व्हायरल होत असून, व्हिडिओवर शेकडो लोकांनी कमेंट केल्या आहेत.