Python Bites Girl Video: सोशल मीडियावर नेहमीच सापांचे वेगवेगळे व्हिडीओ व्हायरल होत असतात. काही व्हिडिओंमध्ये त्याना पकडताना दाखवलं जात तर कधी त्यांच्यासोबत लोकांची मस्ती दाखवली जाते. सापांसोबत मस्ती करणं कसं महागात पडतं हेही तुम्हाला चांगलंच माहीत असेल. हेच दाखवणारा एक व्हिडीओ सध्या व्हायरल झाला आहे. यात एक तरूणी अजगराच्या तोंडावर किस करण्याचा प्रयत्न करताना दिसत आहे. पण हेच तिला महागात पडलं. अजगराने लगेच तोंड मागे केलं आणि तरूणीऐवजी अजगरानेच तिला 'किस' केलं.
व्हायरल व्हिडिओमध्ये तुम्ही बघू शकता की, दोन लोक सापासोबत उभे आहेत. कदाचित त्यांनाही अंदाज नसेल की, असं काही होईल. तेव्हाच एक टुरिस्ट तरूणी येते आणि अजगराला किस करण्याची रिक्वेस्ट करते. ती फारच उत्सुक दिसत आहे. पण तिला नव्हतं माहीत की, पुढच्या सेकंदाला तिच्यासोबत काय होणार आहे. तरूणी पुढे आली आणि तिने अजगराच्या डोक्यावर किस करण्याचा प्रयत्न केला. यावेळी तिच्या मित्राने ही घटना रेकॉर्ड केली.
तरूणीने जसा अजगराच्या डोक्यावर किस करण्याचा प्रयत्न केला, अजगराने मान मागे केली आणि लगेच तरूणीच्या तोंडावर चावा घेतला. त्याचे दात तरूणीच्या चेहऱ्यात फसले होते. अजगराला घेऊन उभे असलेले लोकही हैराण झाले आणि ते तरूणीची मदत करताना दिसत आहेत. पण तोपर्यंत तरूणी बरीच जखमी झाली होती. हे दृश्य पाहून आजूबाजूचे लोकही मदतीसाठी धावत आले. पुढे तिच्यासोबत काय झालं हे समजू शकलेलं नाही तसेच हा व्हिडीओ कुठला आहे हेही समजू शकलं नाही. पण सापांसोबत खेळ करणं किती घातक ठरू शकत हे यावरून दिसून येतं.