Shocking Fight Viral Video: काहीवेळा असे व्हिडिओ सोशल मीडियावर व्हायरल होतात, ज्यामुळे लोक आश्चर्यचकित होतात. कधी रस्ते अपघाताशी संबंधित व्हिडिओ तर कधी मारामारीचे व्हिडिओ. कधी-कधी लोक विनाकारण एकमेकांशी भांडतात, मारामारी करतात आणि नंतर सगळं अचानक शांत होतं. असे व्हिडीओ खूपच आश्चर्यचकित करणारे असतात. असाच एक व्हिडिओ सध्या सोशल मीडियावर व्हायरल होत आहे. हा व्हिडीओ तुम्हाला नक्कीच आश्चर्यचकित करेल आणि गोंधळातही टाकेल.
साधारणपणे असं पाहायला मिळतं की जेव्हा दोन लोक एकमेकांशी भांडत असतात, तेव्हा तिसरा माणूस भांडण सोडवायला येईपर्यंत ते भांडत राहतात किंवा जेव्हा जोवर पूर्णपणे थकत नाहीत तोवर भांडणं, मारामारी सुरूच राहते. पण या व्हायरल व्हिडिओमध्ये एक वेगळेच दृश्य पाहायला मिळालं. व्हिडिओमध्ये रस्त्याच्या मधोमध दोन लोक भांडत होते. त्यांच्या आजूबाजूला अनेक गाड्या उभ्या होत्या. पण त्यांची भांडणं सोडवण्यासाठी कोणीही आलं नाही. या हाणामारीत एक माणूस दुसऱ्या माणसावर वरचढ ठरताना दिसत होता. पण अचानक त्यांची हाणामारी थांबली. दोघे एकमेकांना हस्तांदोलन करून थेट निघून गेले. पाहा व्हिडीओ-
हा व्हिडिओ @TansuYegen नावाने सोशल मीडिया, इन्स्टाग्रामवर शेअर करण्यात आला आहे. त्यानंतर हा व्हिडीओ ट्वीटरवरही व्हायरल झाला. 'हॅपी फाइट' असे कॅप्शन या व्हिडीओला लिहिण्यात आले. 29 सेकंदाचा हा व्हिडिओ आतापर्यंत साडे सहा मिलियनपेक्षाही जास्त वेळा पाहिला गेला आहे. तसेच हजारो लोकांनी व्हिडिओला लाईक केले आहे आणि विविध कमेंट्स केल्या आहेत.