मासे पकडणं ही सुद्धा एक कला आहे. ज्यासाठी फार पेशन्स असणं गरजेचं आहे. कधी कधी पालक मुलांनाही फिशिंगसाठी घेऊन जातात. जेणेकरून ते संयम शिकू शकतील. McMahon सुद्धा आपल्या मुलाला फिशिंगसाठी घेऊन गेला. पण तिथे काहीतरी फारच खतरनाक घडलं. रिपोर्टनुसार, ते नुकतेच त्यांच्या पाम कोस्ट होमच्या मागे फिशिंग करायला गेला होता. तो त्याच्या मुलाचा मासे पकडतानाचा व्हिडीओ काढत होता. पण त्यांना जराही अंदाज नव्हता की, तिथे एक मोठी मगरही आहे.
या व्हिडीओत बघितलं जाऊ शकतं की, एक मगर मुलाच्या फिशिंग पोलमध्ये अडकलेला मासा घेऊन जातो. व्हिडीओ पाहून लोक म्हणाले की, हे केवळ फ्लोरिडात होऊ शकतं. हा व्हिडीओ फेसबुकवर WESH 2 News ने शेअर केला आहे. आतापर्यंत या व्हिडीओला १ लाख ८४ हजार व्ह्यूज आणि २ हजारांपेक्षा जास्त कमेंट्स मिळाल्या आहेत.
५० सेकंदाच्या या व्हिडीओत तुम्ही बघू शकता की, एक वडील फिशिंग करत असलेल्या आपल्या मुलाचं मनोबल वाढवत आहे. मुलाच्या काट्यात जसा मासा अडकतो, तो मासा खेचून बाहेर काढतो. तेव्हाच पाण्यात एक मगर बाहेर येते आणि तो मासा एका झटक्यात घेऊन जाते. यावेळी मासे पकडण्याचा काटाही मगर घेऊन जाते. सुदैवाने यात मुलाला काहीही झालं नाही.