Goram Ghat Railway Bridge Accident: सध्या सोशल मीडियावर फेमस होण्यासाठी लोक नको नको त्या गोष्टी करत आहेत. तसेच सध्या वेगवेगळ्या लोकेशनवर लग्नाआधी फोटोशूट करण्याची क्रेझही खूप वाढली आहे. अशात फोटोशूट करताना घडलेल्या अनेक धक्कादायक घटनाही समोर येत असतात.
सध्या अशीच एक थरकाप उडवणारी घटना चर्चेचा विषय ठरत आहे. स्टंटबाजीच्या नादात अनेकांना आपला जीवही गमवावा लागतो. तर कधी कपल्स गंभीर जखमी होतात. एका कपलसोबत असंच झालं. त्यांनी कधी कल्पनाही केली नसेल की, त्यांच्यासोबत असं काही होईल. त्यांचा एक व्हिडीओ व्हायरल झाला असून हा व्हिडीओ धडकी भरवणारा आहे.
धडकी भरवणारा व्हिडीओ
सध्या हा मनात धडकी भरवणारा व्हिडीओ सोशल मीडियावर व्हायरल झाला आहे. यात तुम्ही बघू शकता की, एक कपल रेल्वे ट्रॅकवर व्हिडीओ बनवताना दिसत आहे. पण तेव्हाच असं काही घडतं की, त्यांचा आनंद दु:खात रूपांतर होतो. एक कपल रेल्वे रूळावर सेल्फी घेत होतं. तेव्हाच एका बाजूने रेल्वे येते. पण त्यांना पळून जाण्यासाठी कुठेच जागा नसल्याने कपल जीव वाचवण्यासाठी रेल्वेच्या पुलावरून खाली खोल दरीत उडी मारतं. असं समजलं की, दोघेही या घटनेत गंभीर जखमी झाले आहेत. सध्या त्यांच्यावर हॉस्पिटलमध्ये उपचार सुरू आहेत.
लवे ब्रिजवर रील बनवत होतं कपल अन् आली रेल्वे
व्हायरल झालेला हा व्हिडीओ राजस्थानच्या पाली जिल्ह्यातील मिनी काश्मीर म्हटल्या जाणाऱ्या गोरमघाटचा आहे. या घटनेत जखमी पती राहुल याला स्थिती गंभीर असल्याने सोजतहून जोधपुरला रेफर करण्यात आलं आहे.
एका मीडिया रिपोर्टनुसार, बागड़ीच्या कलाल पिपलिया येथे राहणारा राहुल पत्नी जानवी, साडू आणि मेव्हणीसोबत गोरमघाटला फिरायला गेला होता. या दरम्यान दोघेही गोरमघाट रेल्वे ब्रिजवर सेल्फी घेत होते. तर त्याचा साडू आणि मेव्हणी पुढे गेले होते. अचानक तेव्हाच एक भरधाव रेल्वे आली आणि घाबरल्यामुळे राहुल व जान्हवीने रेल्वे ब्रिजवरून दरीत उडी मारली. ही घटना सध्या चर्चेचा विषय ठरत आहे आणि लोकांचा बेजबाबदारपणा कसा त्यांच्या अंगलट येतो हेही यातून दिसलं आहे.
(VIDEO Credit : Teztv 24 bengal)