लोक आजकाल कशाचं काय सेलिब्रेशन करतील याचा काही नेम नाही. सामान्यपणे आनंदाच्या क्षणी सेलिब्रेशन केलं जातं. पण आता ही घटना बघा ना. अनेकवर्षांपासूनचं नातं तुटल्यावर सामान्यपणे व्यक्ती नाराज किंवा दु:खी होतो. Marie Lollis या महिलेने ही मान्यताच बदलून टाकली. नुकताच तिचा घटस्फोट झाला आणि याचं तिने चक्क सेलिब्रेशन केलं. बरं इतकंच नाही तर याचंही फोटोशूट केलं.
Marie ने तिच्या लग्नाचा फोटो देखील जाळून टाकला. Marie ला या फोटोशूट द्वारे स्वत:ला एक मजबूत आणि पॉवरफुल महिला अशा रूपाने दाखवायचं आहे. तिला हे दाखवायचं आहे की, घटस्फोटानंतर महिलेने नाराज किंवा दु:खी होण्याची गरज नाही. तसेच मेरीने तिच्या घटस्फोटाच्या कागदपत्रांसोबतही फोटो काढला आहे.
Marie असं मत आहे की, जीवनात प्रत्येक नातं जोडताना आणि तोडताना सेलिब्रेट करायला हवं. त्यामुळे तिने घटस्फोटानंतर हे फोटोशूट केलं.
सोशल मीडियातून Marie च्या या फोटोशूटची कौतुक केलं जात आहे. लोकांनी हे फोटो शेअर सुद्धा केले आहेत.
Marie ने स्वत: तिच्या ट्विटरवर हे फोटो शेअर केले. पण तिला जराही अंदाज नव्हता की, तिचे फोटो व्हायरल होतील. Marie ने हे दाखवून दिलं आहे की, नातं तुटलं तर रडत बसू नका. पुढे जा आणि जुन्या गोष्टी विसरा त्यातच खरा आनंद आहे.