(Image Credit : edunia.com)
पाकिस्तानमधील एका मॅरेज हॉलकडून दिली जाणारी विचित्र ऑफर सोशल मीडियात व्हायरल झाली आहे. हा मॅरेज हॉल बहावलपूरमध्ये नव्याने सुरू झाला असून व्यवसाय वाढवण्यासाठी त्याने भन्नाट ऑफर दिली आहे. या ऑफरनुसार, जी व्यक्ती दुसरं, तिसरं किंवा चौथं लग्न करेल त्यांना अनुक्रमे ५० टक्के, ७५ टक्के सूट दिली जाईल. तर चौथं लग्न करणाऱ्या व्यक्तीचं रिसेप्शन मोफत केलं जाईल. पण त्यासाठी मालकाच्या काही अटीही त्यांना मान्य कराव्या लागतील.
हा व्हिडीओ पाकिस्तानमधील एका महिला पत्रकाराने ११ जानेवारीला शेअर केलाय. आता हा व्हिडीओ व्हायरल झाला असून लोकांच्या मजेदार कमेंट यावर येत आहेत. नायला इनायतने हा व्हिडीओ शेअर केला आहे.
हा व्हिडीओ म्हणजे पाकमधील एका न्यूज चॅनलची क्लिप आहे. यात तुम्ही मॅरेज हॉलच्या मालकाला हे सांगताना बघू शकता की, पहिल्या लग्नावर डिस्काउंट दिलं जाऊ शकतं तर दुसऱ्या किंवा त्यापेक्षा अधिक लग्नासाठी का नाही? पण ही ऑफर मिळवण्यासाठी अट ही आहे की, दुसरं, तिसकं किंवा चौथं लग्न करण्यासाठी बुकिंग पहिल्या पत्नीने स्वत: करावं. जर पहिली पत्नी हॉल बुक करत नसेल तर ही ऑफर मिळणार नाही.