सोशल मीडियावर दररोज निरनिराळे व्हिडिओ व्हायरल होत राहतात. यातील काही व्हिडिओ असे असतात, जे पाहूनच अंगावर काटा उभा राहातो. सध्या सोशल मीडियावर असाच एक व्हिडिओ समोर आला आहे, जो पाहून यूजर्स हैराण झाले आहेत. नुकत्याच समोर आलेल्या व्हिडिओमध्ये (Shocking Video Viral) एक लहान मुलगा स्विमिंग पुलमध्ये उडी मारताना दिसत आहे (Toddler Jumped in Swimming Pool). मात्र सुदैवाने ही बाब त्याच्या आईच्या लगेचच लक्षात येते आणि ती त्याला वेळीच पाण्यात बुडण्यापासून वाचवताना दिसते.
सहसा मुलांकडे आपलं लक्ष नसेल तर ती असे काही उद्योग करतात, ज्यामुळे ते अडचणीत येतात. असंच काहीसं सध्या समोर आलेल्या व्हिडिओमध्ये पाहायला मिळत आहे. ज्यामध्ये एक लहान मुलगा आपल्या आई-वडिलांच्या नजरेत न येता घराच्या मागच्या अंगणात बांधलेल्या स्विमिंग पुलजवळ पोहोचतो. तो यात पोहण्याचा विचार करतो आणि तलावात उडी मारतो.
हा व्हिडिओ पाहून अंदाज लावता येतो की, हा मुलगा वयाने अतिशय लहान आहे. अशा स्थितीत त्याला पोहणं फारसं माहीत नसेल. या गोष्टीची खात्री तेव्हा पटते जेव्हा त्याची आई अचानक वेगाने आपल्या मुलाला हवेतच पकडते आणि त्याला पाण्यात बुडण्यापासून वाचवते. आई ज्या पद्धतीने आपल्या मुलाचा अगदी शेवटच्या क्षणी बचाव करते, ते पाहून तुम्हीही अवाक व्हाल.
व्हायरल होत असलेली क्लिप फिगेन नावाच्या अकाऊंटवरून ट्विटरवर शेअर करण्यात आली आहे. बातमी देईपर्यंत 4 लाख 82 हजारांहून अधिक जणांनी हा व्हिडिओ पाहिला आहे. तर 14 हजारहून अधिकांनी व्हिडिओ लाईकही केला आहे. आईने आपल्या मुलाला पाण्यात बुडण्यापासून वाचवलेल्या सतर्कतेचं सर्वजण कौतुक करत आहेत. व्हिडिओवर नेटकरी निरनिराळ्या प्रतिक्रियाही देत आहेत.