राज्यातील किमान वा कमाल तापमानात गुरुवारी घसरण सुरू झाली असून, आता रात्रीच नव्हे, तर दिवसाही गारठा वाढला आहे. उत्तर महाराष्ट्रात थंडीचा अधिक प्रभाव आहे. गोवा व कोकणच्या तापमानातही घट झाली आहे. राज्यात सर्वात कमी किमान तापमान नाशिक येथे ९.८ होते, तर मुंबईत १५.४ अंश तापमानाची नोंद झाली. सामान्यपणे मुंबईत थंडी पडणं ही आश्चर्याची बाब असते. त्यामुळे या थंडीची इतकी चर्चा होतीये की, ट्विटरवर #mumbaiwinter असा ट्रेन्ड होतोय. यावर काही मजेदार मीम्सही व्हायरल झाले आहेत.