आतापर्यंत तुम्ही बैलांनी आपल्या शिंगावर धरून भल्याभल्यांना जमिनीवर आपटल्याचे पाहिले असेल. बैल आहेच इतका ताकदवान प्राणी, कोणीही सहसा बैलाशी पंगा घेण्याचा प्रयत्न करत नाही. पण सध्या सोशल मीडियावर (Social media) बैलाचीच शिंग धरून त्याला जमिनीवर आपटणाऱ्या एका व्यक्तीचा व्हिडीओ व्हायरल होतो आहे.
चवताळलेल्या बैलाशीफाईट करणारा फिल्ममधील भल्लालदेव (Bhallaldev) तुम्हाला आठवत असेल. असाच भल्लालदेव जणू या व्यक्तीच्या अंगात संचारला आणि त्याने बैलासोबत हे भयंकर कृत्य केलं.
व्हिडीओत पाहू शकता ही व्यक्ती नशेत दिसते आहे. एका बैलाच्या मागे ती धावत गेली आणि बैलाची शिंगं धरली. बैलानेही त्या व्यक्तीला प्रतिकार करायचा प्रयत्न केला. पण या व्यक्तीचा जोश इतका होता की बैलाची शिंग धरून त्याने त्याला जमिनीवर आपटलं. त्यानंतर तो तिथून निघून गेला. राजेश कुमार वर्मा या फेसबुक युझरने आपल्या फेसबुक अकाऊंटवर हा धक्कादायक व्हिडीओ पोस्ट केला आहे.