तुम्ही कधी सापाला खाऊ शकता का? सापाला पाहताच भल्याभल्यांचा थरकाप होतो आणि असं किळसवाणं काम कुणी करेल तरी कसं? पण एका व्यक्तीने चक्क साप खाल्लाय. तोही असाच नव्हे तर त्याचे तुकडे करुन. हा व्हिडिओ बघुनच तुम्हाला भीतीने घाम फुटेल.
पांढऱ्या-पिवळ्या रंगाचा एक साप टेबलावर वेटोळे घालून बसलेला दिसतो आहे. इतक्यात एक व्यक्ती या सापावर चाकू मारते. चाकूने सापाचे दोन भाग करते. अरे हे काय? हा साप नाही तर चक्क एक केक आहे. जो अगदी खऱ्याखुऱ्या सापासारखाच दिसतो. हा केक इतक्या सुंदर पद्धतीने बनवण्यात आला आहे की खरा साप आणि केक यातील फरकच ओळखू येत नाही. व्यक्ती जेव्हा सापाला कापते तेव्हा आतील भागावरून तो केक असल्याचं समजतं.
@sideserfcakes इन्स्टाग्राम अकाऊंटवर हा व्हिडीओ पोस्ट करण्यात आला आहे. आमच्या मित्रांसाठी रियलिस्टिक स्नेक केक, असं कॅप्शन या व्हिडीओला देण्यात आलं आहे. व्हिडीओ पाहून काही नेटिझन्सचा थरकाप उडाला आहे. काही युझर्सनी आपण खूप घाबरल्याचं म्हटलं आहे. तर काही युझर्सनी हा केक तयार करणाऱ्याच्या कौशल्याचं कौतुक केलं आहे.