आयएएस अधिकारी अवनीश शरण आपल्या सोशल मीडिया अकाऊंटवर खूप सक्रिय असतात. त्यांनी शेअर केलेले मजेशीर व्हिडीओ नेहमीच सोशल मीडियावर धुमाकूळ घालतात. आता त्यांनी एका माणसाचा केस कापतानाचा व्हिडीओ शेअर केला आहे. हा व्हिडीओ पाहून नेटिझन्सना खूप हसायला आलं आहे. सोशल मीडियावर हा व्हिडीओ वेगाने व्हायरल होत आहे. ऐरवी लोक घरात स्वतःची दाढी करण्यासाठीही अनेकदा विचार करतात. पण आता असा एक व्हिडीओ व्हायरल होत आहे. ज्यात एका माणसाने कात्री, कंगवा हातात घेत स्वतःच आपले केस कापायला सुरूवात केली आहे.
या तरूणाने कोणाचीही मदत न घेता स्वतःच स्वतःचे केस कापले आहेत. ते ही न घाबरतात, आनंद घेत घेत या माणसाने स्वतःचा हेअर कट केला आहे. या व्हिडीओमध्ये तुम्ही पाहू शकता की, या माणसाच्या एका हातात कात्री आणि दुसऱ्या हातात कंगवा आहे. सुरूवातीला हा माणूस कंगवा फिरवतो आणि कात्री चालवायला सुरूवात करतो. अतिशय योग्य पद्धतीने हा माणूस कात्री चालवत आहे. या व्हिडीओसह शक्तीमान सिरीयलचे गाणे सुरू आहे.
८ डिसेंबरला हा व्हिडीओ सोशल मीडियावर शेअर करण्यात आला होता. आतापर्यंत ५६ हजारांपेक्षा जास्त लोकांनी हा व्हिडीओ पाहिला असून ४ हजारांपेक्षा जास्त लाईक्स या व्हिडीओला मिळाले आहेत. ६०० पेक्षा अधिक लोकांनी हा व्हिडीओ रिट्विट केला आहे. हा व्हिडीओ खूप गमतीदार असून अनेक विनोदी कमेंट्स या व्हिडीओवर येत आहेत.
जबरदस्ती केस कापताना रडकुंडीला आला चिमुरडा
काही दिवसांपूर्वी बळजबरीने केस कापून घेत असलेल्या एका चिमुरड्याचा व्हिडीओ व्हायरल झाला होता. केस कापण्याची जराही इच्छा नसताना या चिमुरड्याला केस कापायला लागले होते. न्हावी जसजसे केस कापत होता. तसतसा हा चिमुरडा 'अरे यार.... बाल मत काटो' असं म्हणत त्याला थांबवत होता. न्हावी केस कापत असताना या चिमुरड्याला वेगवेगळे प्रश्न विचारत होता. पण प्रश्नांची उत्तर दिल्यानंतरही हा चिमुरडा रागातच होता. त्यानंतर न्हाव्याला प्रेमळ धमकी देण्याचा प्रयत्न केला. सोशल मीडिया युजर्स या मुलाच्या क्यूटनेसचे चाहते झाले आहेत.