लागल्यावर, ढोलताशा वाजल्यावर आपलं शरीर थिरकत नाही असं होतच नाही. डान्स येवो न येवो पण ढोलताशाचा आवाज कानावर पडताच अंगात जणू संचारतंच. बाकी कोणता प्रोफेशनल डान्स नाही आला तरी नागिण आणि गणपती डान्स तर प्रत्येकाला हमखास येतोच येतो. पण सध्या सोशल मीडियावर अशा तरुणाचा व्हिडीओ व्हायरल होतो आहे. ज्याचा डान्स पाहून याला आवरा असंच तुम्हीही म्हणाल.
ढोलचा आवाज ऐकून तरुणाला अचानक काय झालं कुणास ठाऊक तो विचित्र वागू लागला. भररस्त्यात त्याने असं काही केलं की तिथं त्याला पाहणारे सर्वजण शॉक झाले आहेत. व्हिडीओ पाहून तुम्हालाही धक्का बसेल पण हसूही आवरणार नाही. (Man Dancing Madly on Dhol) अगदी पोट धरून पोट दुखेपर्यंत तुम्ही हसाल (Funny Dance Video) .
व्हिडीओत पाहू शकता रस्त्यात काही ढोलवाले ढोल वाजवत आहेत. त्यांच्या आजूबाजूला काही लोक उभे आहेत. अचानक एक तरुण तिथे येतो. तो धाडकन जमिनीवर एका ढोलवाल्याच्या पायाजवळ पडतो. त्याला पाहून सर्वजण घाबरतात. ढोलवालेही बाजूला होता. इतर लोकही दूर जातात.
त्यानंतर काही लोक पुढे येतात आणि त्या तरुणाला जमिनीवरून उचलतात. त्याला उभं करतात. पण तरुण कुणालाचा ऐकत नाही. तो कुणाला आवरतही नाही. तो वेड्यासारखा नाचत राहतो. शेवटी एक व्यक्ती त्याच्या कमरेभोवती हात गुंडाळून त्याला घट्ट धरून उभी राहते. तरी हा तरुण नाचताना दिसतो. जे पाहून सर्वजण हैराण होतात.
तसं डान्स करायला अनेकांना आवडतं. पण असा डान्स तुम्ही कधी पाहिला नसेल आणि असा डान्स कुणाला करायलाही आवडणार नाही. memecentral.teb नावाच्या इन्स्टाग्राम अकाऊंटवर हा व्हिडीओ पोस्ट करण्यात आला आहे. असा डान्स करायचा आहे तर माझ्या लग्नात येऊ नका, असं कॅप्शन या व्हिडीओला देण्यात आलं आहे. तर यावर कमेंट करताना एका युझरने लग्नात अशाच मित्रांना बोलवायला हवं असं म्हटलं आहे.