माणूस असो वा मुका जीव. एकमेकांपेक्षा वेगळे असले तरी त्यांची ममता, आईचं प्रेम मात्र सारखंच असतं. आपल्या पोटच्या गोळ्यावर संकट आलं की मग आई आपल्या जीवाचीही पर्वा करत नाही. वेळप्रसंगी आपल्या जीव देते, हसत हसत मृत्यूला कवटाळते पण आपल्या मुलांवर, पिल्लांवर साधं खरचटूही देत नाही. अशाच आईचा व्हिडीओ सध्या सोशल मीडियावर व्हायरल होतो आहे. ज्यात आपल्या पिल्लाचा जीव वाचावा म्हणून आई स्वतःहून सिंहांची शिकार झाली (Lion attack on buffalo).
सिंह आणि म्हशीचा हा व्हिडीओ पाहून तुमच्या डोळ्यात पाणी आल्याशिवाय राहणार नाही. सिंहाच्या तावडीतून निसटलेली म्हैस आपल्या वासराला वाचवण्यासाठी पुन्हा सिंहाच्या कळपात आली. आपल्या वासराचा जीव वाचावा म्हणून तिने स्वतःहून सिंहांच्या जबड्यात गेली. पण शेवटी जे घडलं ते हादरवाणारं आहे.
व्हिडीओत पाहू शकता म्हैस आपल्या वासरासह जंगलात फिरताना दिसते आहे. इतक्या सिंहांचा कळप येतो. त्यावेळी म्हशीचं वासरू घाबरून पळू लागतं. पिल्लाचा जीव वाचावा म्हणून म्हैस थोडावेळी तिथेच थांबते. आई आपल्यासोबत नाही हे पाहून वासरू सैरवैर होतं. ते पुन्हा आपल्या आईकडे येतं. वासरू जवळ येताच आई त्याच्यासोबत पळ काढते. पण सिंहांचा कळप त्यांच्यावर हल्ला करतात.
वासराला पटकन पळता येत नसल्याने सिंह वासराला धरतात. म्हैस त्यांच्या तावडीतून सुटण्यास, त्यांच्यापासून दूर जाण्यात यशस्वी होते. पण वासरू आपल्यासोबत नाही, ते सिंहांच्या तावडीत सापडलं हे तिला समजतं. त्याचा ओरडण्याचा आवाज ऐकून ती पुन्हा मागे येते. सिंहांच्या कळपात घुसते. आपल्या वासराला आपल्या डोक्याने ढकलतेही जेणेकरून ते सिंहांच्या कळपातून बाहेर पडेल आणि तिथून पळून जाईल.
बस्सं आपल्या पिल्लाला वाचवण्यासाठी ती इतकीच धडपड करू शकते. पुढे काही ती करणार तोच सिंह तिच्यावर तुटून पडतात. तिला जमिनीवर आडवं पाडतात आणि तिला खाऊ लागतात. दुसरीकडे ज्या वासरासाठी या आईने मृत्यूला कवटाळलं ते बिचारू वासरूही सिंहांच्या तावडीतून काही सुटत नाही. इतर दोन सिंह त्या वासराची शिकार करताना दिसतात. म्हैस आणि वासराचा जीव वाचला असावा हे हा हल्ला पाहून तरी वाटत नाही. naturegoesmetal नावाच्या इन्स्टाग्राम अकाऊंटवर हा व्हिडीओ पोस्ट करण्यात आला आहे. व्हिडीओ पाहून नेटिझन्स भावुक झाले आहेत.