जगात माथेफिरू लोकांची कमी नाही आणि जेव्हापासून सोशल मीडियावर लोकप्रिय झाला तेव्हापासून तर विचित्रपणा करणारे लोक अधिकच समोर येत आहेत. सोशल मीडियावर लोकांचं लक्ष वेधून घेण्यासाठी एका व्यक्तीने तर असं काही केलंय की बघून हैराण व्हाल. या व्यक्तीला सोशल मीडियावरील लोक शिव्या देत आहेत. इन्स्टाग्रामवर लोकप्रिय सर्जी कोसेन्को नावाच्या व्यक्तीने त्याच्या गर्लफ्रेन्डला कारच्या छतावर बांधून फिरवलं. याचा व्हिडीओही काढला.
रशियात राहणाऱ्या सर्जीचा हा विचित्र कारनामा पाहून सोशल मीडिया यूजर्स शॉकमध्ये आहेत. इन्स्टाग्रामवर सर्जीचे ५ मिलियनपेक्षा जास्त फॉलोअर्स आहेत. आपल्या या विचित्र कृत्याबाबत तो म्हणाला की, तो आणि त्याची गर्लफ्रेन्ड एकमेकांवरील ट्रस्ट टेस्ट करत होते. त्यामुळे त्यांनी व्हिडीओ तयार केला. गर्लफ्रेन्डला कारच्या छतावर बांधून फिरवल्याप्रकरणी पोलिसांनी त्याला दंडही ठोठावला आहे.
व्हिडीओत इन्स्टाग्राम स्टारने मजेत आपल्या गर्लफ्रेन्डला कारच्या छतावर दोरीने आणि टेपने बांधलं. त्यानंतर शहरात तो कार घेऊन फिरला. येणारे-जाणारे लोक हा नजारा पाहून हैराण झाले. सर्जीने खिडकीबाहेर हात काढला आहे आणि त्याने त्याच्या गर्लफ्रेन्डचा हात धरला आहे. दोघांनी हाताला बेडी बांधली आहे. पण प्रेम टेस्ट करण्याची ही त्याची पद्धत लोकांनी अजिबात पसंत पडलेली नाही.
व्हिडीओ बघून काही लोक त्याची खिल्ली उडवत आहेत तर हे बघून काही लोकांचं रक्त खवळलं आहे. एका यूजरने कमेंटमध्ये लिहिलं की, हा प्रकार अजिबात कूल नाही आणि तुला फॉलो करणाऱ्या लोकांवर याचा वाईट परिणाम होऊ शकतो.