Viral Video : प्रसिद्ध उद्योगपती आनंद महिंद्रा हे सोशल मीडियावर कायम सक्रिय असतात. आपल्याला आवडणाऱ्या संशोधकांचे तसेच तरुणाईच्या कौशल्याचे कौतुक करणारे व्हिडीओ ते सोशल मीडियावर नेहमीच शेअर करत असतात. नुकताच त्यांनी एक व्हिडीओ नेटकऱ्यांसोबत शेअर केलाय. या व्हायरल होणाऱ्या व्हिडीओमध्ये दोन तरुणांनी चक्क सोफ्याचे रुपांतर कारमध्ये केल्याचं पाहायला मिळतंय. त्यावर आनंद महिंद्रा यांनी मजेशीर प्रतिक्रिया दिली आहे.
हा व्हिडीओ आनंद महिंद्रा यांनी त्यांच्या अधिकृत सोशल मीडिया हॅंडलवरुन शेअर केलाय. या व्हायरल व्हिडीओमध्ये दोन तरुणांनी एक सोफा ऑर्डर केल्याचे पाहायला मिळतं आहे. त्यानंतर या तरुणांनी स्वत: तयार केलेली चाके आणि वाहनांची मोटार मशीन सोफ्यामध्ये फीट केली. आपल्या अभियांत्रिकी कौशल्याच्या जोरावर त्यांनी या सोफ्याचा कायापालट करुन टाकला. बसण्याचा सोफ्याचा असाही वापर होऊ शकतो, असा विचार तुमच्याही डोक्यात आला नसेल. या दोन तरुणांचा हा भन्नाट जुगाड आनंद महिंद्रा यांच्या पसंतीस उतरला आहे. व्हायरल होणाऱ्या व्हिडीओवर आनंद महिंद्रा प्रभावित होऊन त्यांनी सोशल मीडियावर याबाबत कौतुक करणारे ट्विट देखील केले आहे.
आनंद महिंद्रा म्हणाले...
हा एक भन्नाट प्रकल्प आहे. पण ही युक्ती प्रत्यक्षात कृतीत आणण्याकरिता या दोन तरुणांनी किती काळजीपूर्वक आणि अभियांत्रिकी कौशल्याचा वापर केलाय हे अविश्वसनीय आहे. कोणत्याही देशाला ऑटोमोबाईल क्षेत्रात प्रगती करण्यासाठी अशा संशोधक वृत्तीच्या सर्जनशील अभियत्यांची गरज आहे. शिवाय भारतासारख्या देशात अशा प्रकारचे वाहन आरटीए कार्यालयात नेल्यास तेथील कर्मचारी काय प्रतिक्रिया देतील हे पाहणे मजेशीर असेल, असे महिंद्रा यांनी म्हटले आहे.
पाहा व्हिडीओ -