नवी दिल्ली : सोशल मीडिया हे एक प्लॅटफॉर्म आहे, जिथे सर्व लोक आपली मते खुलेपणाने मांडतात. आजकाल सोशल मीडियावर प्रत्येक गोष्ट पाहता क्षणी व्हायरल होते. सध्या सोशल मीडियावर एक व्हिडिओ मोठ्या प्रमाणात व्हायरल होत आहे. या व्हिडिओमध्ये एक महिला आयएएस (IAS) अधिकारी बॉलिवूडच्या एका प्रसिद्ध गाण्यावर जबरदस्त डान्स करताना दिसत आहे. या व्हिडिओला लोकांनी खूप लाईक्स केले आहे.
अनेक नेटिझन्सनी व्हिडिओवर कमेंटही केल्या आहेत. या व्हिडीओमध्ये दिसणाऱ्या महिला आयएएस अधिकारी एका शाळेतील विद्यार्थ्यांसोबत डान्स करताना दिसत आहे. त्यांचे नाव दिव्या एस अय्यर (Divya S Iyer) आहे. मिळालेल्या माहितीनुसार, दिव्या एस अय्यर या केरळच्या पथनामथिट्टा जिल्ह्याच्या जिल्हा दंडाधिकारी (District Magistrate) आहेत. दरम्यान, हा व्हिडीओ समोर आल्यानंतर अनेक जण त्यांचे जोरदार कौतुक करत आहेत.
व्हिडिओमध्ये आयएएस दिव्या एस अय्यर यांनी 'गोलियों की रासलीला-रामलीला' या चित्रपटातील 'नगाडा संग ढोल...' या गाण्यावर जबरदस्त डान्स केला आहे. नुकतेच त्या केरळमधील महात्मा गांधी विद्यापीठाच्या (MG University, Kerala) कला महोत्सवाची पाहणी करण्यासाठी गेल्या होत्या. यावेळी स्टेडियममध्ये विद्यार्थी नृत्याचा सराव करत होते. ज्यामध्ये त्या देखील मुलांचा उत्साह वाढविण्यासाठी नृत्यात सामील झाल्या आणि स्वत: ठेका धरला.
सोशल मीडियावर व्हायरल होत असलेला हा व्हिडीओ अजिन पथनमथिट्टा (Ajin Pathanamthitta) नावाच्या युजरने फेसबुकवर शेअर केला आहे. या व्हिडिओच्या कॅप्शनमध्ये युजरने 'विद्यार्थ्यांसह जिल्हाधिकाऱ्यांच्या डान्स मूव्हज' असे लिहिले आहे. या व्हिडिओला हजारो व्ह्यूज मिळाले आहेत. त्याचबरोबर, अनेकांनी कमेंट सेक्शनमध्ये महिला आयएएसच्या डान्स मूव्ह्सचेही कौतुक केले आहे.