एका मुलाने आपल्या आईच्या लग्नात इमोशनल भाषण दिल्याचा सुंदर क्षण दाखवणारा हृदयस्पर्शी व्हिडीओ जोरदार व्हायरल होत आहे. हा व्हिडीओ आता सर्वांचच लक्ष वेधून घेत आहे. इन्स्टाग्रामवर पोस्ट केलेल्या व्हिडिओमध्ये मुलगा त्याच्या भावना व्यक्त करताना दिसत आहे कारण त्याची आई आणि सावत्र वडील लक्षपूर्वक हे सर्व ऐकत आहेत.
इन्स्टाग्राम पेज goodnews_movement वर शेअर केलेल्या व्हिडिओच्या कॅप्शनमध्ये असं लिहिलं आहे की, "आईच्या लग्नात मुलाचं भाषण: 'विनीसोबत उभं राहणं मला खूप भाग्यवान वाटतं कारण त्याने त्याच्या आयुष्यातील प्रेमाशी लग्न केलं जे खरोखर माझ्या आयुष्यातील पहिलं प्रेम आहे."
"सर्वांना शुभ संध्याकाळ. माझं नाव जोर्डन आहे. मी नवरीचा मुलगा आहे, नवरदेवाचा आता अधिकृतपणे सावत्र मुलगा आहे," जोर्डनने व्हिडिओमध्ये स्वतःची ओळख करून दिली. व्हिडीओ जसजसा पुढे जातो तसतसं तो नशिबाशी संबंधित खूप गोष्टींची माहिती देता. नवरदेव विनी त्याच्या प्रेमाशी लग्न करत आहे, जे जोर्डनचं देखील पहिलं प्रेम आहे.
काही तासांपूर्वी हा व्हिडीओ इन्स्टाग्रामवर शेअर करण्यात आला होता. तो आतापर्यंत 6.5 लाखांहून अधिक वेळा पाहिला गेला आहे. याशिवाय 52 हजारांहून अधिक लाईक्स आणि लोकांच्या अनेक कमेंट्सही येत आहेत.
एका युजरने लिहिलं की, सावत्र वडिलांचे आभार, ज्यांनी पुढे येऊन आम्हाला मोठे केले. तर काहींनी आम्हाला जगात आणखी जोर्डनची गरज आहे आणि अरे, आम्हाला आणखी विनीची देखील गरज आहे. देव तुम्हा सर्वांना आशीर्वाद देवो! आतापर्यंतचं सर्वात गोड भाषण असं म्हटलं आहे. एका हिंदी वेबसाईटने याबाबतचे वृत्त दिले आहे.