सापांचे तर तसे सोशल मीडियात रोज वेगवेगळे व्हिडीओ व्हायरल होत असतात. पण आता व्हायरल झालेला व्हिडीओ फारच शॉकिंग आहे. आयएफएस सुशांता नंदाने हा व्हिडीओ शेअर केलाय. हा व्हिडीओ पाहून अनेकजण प्रश्न विचारत आहेत की, या अजगराच्या पोटात नेमकं आहे तरी काय? या व्हिडीओच्या कॅप्शनला लिहिले आहे की, 'एक भलामोठा अजगर जेवण केल्यावर स्वत:ला थंड करताना'. हा व्हिडीओ सोशल मीडियात व्हायरल झाला आहे.
यात बघू शकता की एक मोठा अजगर पाण्याच्या हौदात जात आहे. तो इतका मोठा आहे की अर्धा हौदात तर अर्धा खालीच आहे. आणि पाणी पिण्याआधी त्याने मोठी शिकार केली होती. ज्याने त्याचं पोट फुगलेलं दिसत आहे. आतापर्यंत या व्हिडीओला ९ हजारांपेक्षा अधिक व्ह्यूज मिळाले आहेत तर ६०० पेक्षा अधिक लाइक्स मिळाले आहेत.
हा व्हिडीओ व्हायरल झाला असून पुढे काय झालं हे काही समजू शकलं नाही. पण अजूनही अजगराने काय खाल्लं हे कुणालाही समजलं नाही. पण नक्कीच काहीतरी मोठं खाल्लंय.