सध्या देशभरात लग्नाचा सीझन (Wedding Season) सुरू आहे. अशात सोशल मीडियावर लग्नसमारंभातील नवनवीन व्हिडिओ (Viral Wedding Video) दररोज पाहायला मिळतात. यातील काही व्हिडिओ अतिशय मजेशीर असतात तर काही व्हिडिओ हैराण करणारे असतात. सध्या असाच एक व्हिडिओ सोशल मीडियावर व्हायरल झाला आहे. हा व्हिडिओ पाहून तुम्हाला हसूही येईल आणि तुम्ही थक्कही व्हाल. कारण यात नवरदेव लग्नाच्या स्टेजवरच असं काही करताना दिसतो, जे आश्चर्यचकित करणारं आहे.
आजकाल लोकांना मोबाईलचं जणू व्यसनच लागलं आहे. बहुतेकांच्या हातामध्ये सतत आपला मोबाईल असतो. यात ते सतत सोशल मीडियाचा वापर किंवा गेम खेळताना दिसतात. याचा परिणाम म्हणजे अनेकांना तर याचीही जाणीव राहात नाही की आपण नेमकं कुठे आहे आणि हे लोक कुठेही आपला मोबाईल हातात घेऊन त्यात काहीतरी करू लागतात. सध्या अशाच एका तरुणाचा व्हिडिओ समोर आला आहे.
हा व्हिडिओ पाहून तुम्हालाही हसू आवरणार नाही. व्हिडिओमध्ये दिसतं की एक तरुण लग्न करण्यासाठी अगदी तयार होऊन स्टेजवर बसलेला आहे. मात्र यावेळीही त्याचं पूर्ण लक्ष आपल्या मोबाईलमध्येच आहे. तो अगदी मग्न होईन pubg खेळत आहे. त्याचं लक्ष आपल्या शेजारी बसलेल्या नवरीकडेही नाही. इकडे लग्नासाठी भरपूर लोक जमा झालेले आहेत मात्र नवरदेव आपल्याच नादात आहे.
@videoonation.teb या अकाऊंटवरून हा व्हिडिओ इन्स्टाग्रामवर पोस्ट करण्यात आला आहे. ज्याचं कॅप्शनदेखील अतिशय मजेदार टोनमध्ये लिहिलं आहे की "पहिले चिकन डिनर, नंतर वेडिंग डिनर" लोकांनी या व्हिडिओवर भरपूर कमेंट केल्या आहेत. कुणी लिहिलंय की ‘नशेचीही मर्यादा असते’, तर कुणी लिहिलंय की ‘अशी माणसं कुठून येतात’. एकाने तरुणाला थेट असंच विचारलंय की ‘गेमसोबतच लग्न का केलं नाही!’ काहींनी म्हटलं की सरकारला धोका जाणवला असेल, त्यामुळेच देशात पबजीवर बंदी घालण्यात आली.हा व्हिडिओ आतापर्यंत हजारो लोकांनी लाईक केला आहे.