मॅक्सिकोमध्ये एक कामगार नालेसफाईचं काम करत असाताना एक मोठा उंदीर सापडला. तुम्ही म्हणाल यात नवीन असं काय? कारण नेहमीच नाले, अस्वच्छता, घाण कचरा ज्या ठिकाणी असतो. त्याठिकाणी उंदरांचा सुळसुळाट पाहायला मिळतो. पण एवढा मोठा उंदीर तुम्ही याआधी कधीही पाहिला नसेल. या उंदराचा आकार पाहून अनेकांची झोप उडाली आहे. सोशल मीडियावर हा व्हिडीओ वेगाने व्हायरल होत आहे. पहिल्यांदा हा उंदीर आहे, असं सगळयांना वाटलं नंतर हा प्रकार हेलोवीन प्रोप (Halloween Prop) असल्याचे समोर आले.
कोणीतरी उंदराच्या आकाराचं हेलोवीन प्रोप नाल्यात टाकल्यामुळे त्याची अशी अवस्था झाली होती. तुम्ही या व्हिडीओमध्ये पाहू शकता की, इतक्या मोठ्या आकारामुळे रस्त्यावर उंदराच्या आजूबाजूला उभी असलेली माणसंही लहान दिसत आहेत. या व्हिडीओतील एक माणूस या उंदराच्या अंगावर पाणी मारून स्वच्छ करत आहे. त्याठिकाणी उपस्थित असलेले सर्वच लोक हे दृश्य पाहून चकीत झाले नंतर त्यांनी फोटो आणि व्हिडीओ काढायला सुरूवात केली आहे.
१९ सप्टेंबरला हा व्हिडीओ सोशल मीडियावर शेअर करण्यात आला होता. आतापर्यंत या व्हिडीओला ५ लाखांपेक्षा जास्त व्हिव्हज मिळाले असून १०० पेक्षा जास्त रिएक्शन्स आणि कमेंट्स आल्या आहेत. हा व्हिडीओ सोशल मीडियावर वेगाने व्हायरल झाला आहे. न्युयॉर्क पोस्टच्या एका रिपोर्टनुसार एका महिलेनं हे उंदराचे हेलोवीन प्रोप असल्याचा खुलासा केला आहे.
हे पण वाचा-
Video : काय सांगता राव? व्यायाम करता करता दळले जाताहेत गहू; पाहा 'हा' देशी जुगाड
अरे व्वा! केळ्याचा कचरा ठरला उत्पन्नाचं साधन; हजारो महिलांना 'असा' मिळाला रोजगार
Video : भूकेलेल्या खारूताईचा हा व्हिडीओ पाहून तुम्हीही म्हणाल; 'याला म्हणतात माणुसकी'
काय सांगता! थेट बैलाला डबलसीट घेऊन प्रवासाला निघाला 'हा' पठ्ठ्या; पाहा व्हायरल व्हिडीओ