मगर पाण्यात राहते, ती जमिनीवर राहते हे आपल्याला सर्वांना माहितीच आहे. तिला चार पाय असतात आणि त्याच पायांवर ती चालते. पण कधी याच मगरीला तुम्ही उडताना पाहिलं आहे का? असाच एक व्हिडीओ सध्या सोशल मीडियावर व्हायरल होतो आहे. एक मगर चक्क हवेत उडताना दिसली आहे. व्हिडीओ पाहून तुम्हाला तुमच्या डोळ्यांवरही विश्वास बसणार नाही.
व्हिडीओत पाहू शकता एक व्यक्ती मगरीला खाणं देतो आहे. एका गळाला त्याने मांस अडकवलं आहे आणि ते पाण्यात जिथं मगर आहे, तिथपर्यंत नेलं आहे. मांसाच्या वासाने मगर पाण्यातून बाहेर येते. सुरुवातीला तिचं डोकं दिसतं. ती हळूच पाण्याबाहेर येत ते मांस आपल्या तोंडात घ्यायला बघते. त्याचवेळी ती व्यक्ती तो गळ वर करते. इतका उंच नेते की मगर तिथं पोहोचणार नाही. पण त्यानंतर जे घडलं ते हैराण करणारं आहे.
जसं मांस वर जातं तशी मगरही वर येते. सापासारखं आपलं शरीर हलवत ती तशीच उभी पाण्यातून बाहेर येते. जणू तिला पंख फुटले आणि ती उडतेच आहे, असं वाटतं.
@gunsnrosesgirl3 ट्विटर अकाऊंटवर हा व्हिडीओ पोस्ट करण्यात आला आहे. पोस्टमध्ये दिलेल्या माहितीनुसार सॉल्ट वॉटर क्रोकाइडल आपल्या शेपटीच्या ताकदीवर अशी उभी राहिली आणि शिकार करण्याचा प्रयत्न करू लागली.
व्हिडीओ पाहून नेटिझन्स हैराण झाले आहेत. त्यावर बऱ्याच कमेंट येत आहेत. तुम्हाला हा व्हिडीओ पाहून नेमकं काय वाटलं ते आम्हाला आमच्या सोशल मीडियाच्या कमेंट बॉक्समध्ये आपली प्रतिक्रिया देऊन नक्की सांगा.