Eugenie Bouchard: कॅनडाची महिला टेनिस स्टार युजेनी बुकार्ड तिच्या खेळाव्यतिरिक्त तिच्या ग्लॅमरस लूकमुळे खूप चर्चेत आहे. तिचे लूक्स आणि स्टाइल एखाद्या अभिनेत्रीपेक्षा कमी नाहीत. बुकर्ड सोशल मीडियावरही कायम चर्चेत असते. युजेनी बुकार्ड आज काल ओडलम ब्राउन व्हॅन ओपन टूर्नामेंट संदर्भातील एका घटनेमुळे जास्त चर्चेत आहे. टूर्नामेंट अधिकार्यांनी तिच्या ओळखपत्रावर थेट स्विमसूट म्हणजेच बिकिनीतील फोटो लावला. याबाबत तिने सोशल मीडियाच्या माध्यमातून राग व्यक्त केल्यानंतर अखेर ऑर्गनायजरने याची दखल घेतली.
ओडलम ब्राउन व्हॅन ओपन टूर्नामेंटमध्ये बुकार्ड सहभागी होणार होती. त्यासाठीच्या ओळखपत्रावर स्विमसूट परिधान केलेले चित्र पाहिल्यावर ती संतापली. तिने तिच्या इंस्टाग्राम स्टोरीवर त्याचा एक फोटो शेअर केला आणि विचारले, 'कृपया, कोणी मला याविषयी प्रकाराविषयी नी स्पष्टीकरण देऊन समजावू शकेल का?' मात्र, या कॅप्शनसह बुकार्डने हसणारा एक इमोजी टाकला होता. त्यामुळे ती संतप्त असली तरी तिने ती परिस्थिती शांततेने हाताळली. यानंतर ओडलम ब्राऊन व्हॅन ओपन टूर्नामेंटच्या अधिकाऱ्यांनी आपली चूक सुधारली. त्याने बुकार्डचा पासपोर्ट साईज नवा फोटो लावला. त्या संदर्भातील फोटोही बुकार्डने शेअर केला आणि खाली कॅप्शन लिहिले की, आता मला माझं खरं फोटोवालं ओळखपत्र मिळालं.
बुकार्डने स्वत:चे अनेक बिकिनीमधील फोटोज् सोशल मीडियावर शेअर केले आहेत. त्यामुळे तिचा तसा फोटो आयकार्ड वर आल्यावरही तिने शांततापूर्ण पद्धतीत प्रकरण हाताळले. यावर्षी १ जुलै रोजी कॅनडा दिन साजरा करण्यात आला. त्यावेळी बुकार्ड लाल बिकिनीमध्ये बीचवर सेलिब्रेशन करताना दिसली. तिने हे फोटो इंस्टाग्रामवर शेअर केले होते. त्यानंतर हे फोटो चाहत्यांमध्ये प्रचंड व्हायरल झाले होते.
--
२८ वर्षीय युजेनी बुकार्ड गेल्या वर्षी जखमी झाली होती. जून २०२१ मध्ये तिच्या खांद्यावर शस्त्रक्रिया झाली. तेव्हापासून ती काही काळ खेळापासून दूर होती. तिला यावेळी विम्बल्डनमध्येही खेळता आले नाही. ती माजी विम्बल्डन फायनलिस्ट (२०१४ मध्ये) आहे. बुकार्डचे जागतिक क्रमवारीतील सर्वोत्तम स्थान पाचवे आहे. सध्या तिच्या क्रमवारीत बरीच घसरण झाली आहे. बुकार्डने २००९ मध्ये खेळायला सुरुवात केली. कोणत्याही ग्रँडस्लॅमची अंतिम फेरी खेळणारी ती पहिली कॅनडाची खेळाडू ठरली होती.