डॉल्फिन (Dolphin video) तर तुम्ही पाहिलेच असतील. कुणी प्रत्यक्षात तर कुणी व्हिडीओमध्ये डॉल्फिन पाहिले असतील. एरवी डॉल्फिन खेळताना तसंच समुद्रात उंच झेप घेत उडी मारताना दिसतात. पण तुम्ही डॉल्फिनला डान्स करताना पाहिलं आहे का? नाही ना. सध्या अशाच एका डान्स करणाऱ्या डॉल्फिनचा व्हिडीओ सोशल मीडियावर (Social media) व्हायरल (Viral video) होतो आहे.
डॉल्फिनला बुद्धिमान प्राणीही समजलं जातं. कारण ते हुबेहुब माणसाला कॉपी करण्यात तरबेज असतात. माणसांची अशी नक्कल करणारा हा डॉल्फिन आहे. ज्याने अगदी माणसांप्रमाणे डान्स करून दाखवला आहे. व्हिडीओ पाहून तर तुम्ही थक्कच व्हाल. व्हिडीओत पाहू शकता एक डॉल्फीन पाण्याबाहेर जमिनीवर आहे. त्याच्यासोबत एक तरुणी उभी आहे. डॉल्फिनसमोर बादली भरून मासे ठेवण्यात आले आहे. तरुणी त्यातले काही मासे डॉल्फिनला खायला देते त्यानंतर ती डॉल्फिनच्या शेजारी उभी राहून डान्स करू लागते.
तरुणी जशी गाण्यावर आपली कंबर हलवते. तसं डॉल्फिन तिच्याकडे पाहतो आणि तरुणीप्रमाणे डान्स करू लागते. डॉल्फिनला कंबर नाही पण तरी तो आपलं शरीर अशा पद्धतीने हलवतो जणू काही ती कंबरच हलवतो आहे असं वाटतं. माणसांप्रमाणे डॉल्फिनही गाण्यावर जबरदस्त ठुमके लगावताना दिसतो.
beautiffulgram नावाच्या इन्स्टाग्राम अकाऊंटवर हा व्हिडीओ पोस्ट करण्यात आला आहे. हा व्हिडीओ कुठला, कधीचा आहे याबाबत काही माहिती नाही. पण हा व्हिडीओ नेटिझन्सच्या चांगलाच पसंतीस आला आहे.