तुम्ही चित्रपटांच्या सीक्वलबाबत ऐकलं असेल. अनेक असे चित्रपट आणि वेबसिरीज आहेत. ज्यांचे सीक्वेल तुम्ही पाहिले असतील. अनेक टिव्ही शोजचेही सीक्वल्स येतात. परंतु, यावेळी सोशल मडियावर एका व्हायरल झालेल्या अत्यंत क्यूट फोटोचा सीक्वल आला आहे. एका वर्षाआधी 5 ऑक्टोबर 2018ला वडिल आणि मुलीचा Lip sync व्हिडीओ खूप व्हायरल झाला होता. एका वर्षाने याच व्हिडीओचा सीक्वेल आला असून आता ती चिमुरडी एक वर्षाची झाली आहे. मागील व्हिडीओप्रमाणेच हा व्हिडीओही अत्यंत क्यूट आहे.
एका वर्षाची झाली मायरा
ट्विटर यूजर @Trina Wesson ने 5 ऑक्टोबर 2019 ला या व्हिडीओचा सीक्वेल शेअर करण्यात आला आहे. व्हिडीओ शेअर करताना त्यांनी लिहिलं आहे की, 'एका वर्षाआधी आजच्याच दिवशी आम्ही एक व्हिडीओ पोस्ट केला होता. तेव्हा याबाबत आम्ही जास्त विचार केला नव्हता. व्हिडीओला अनेक मिलियन व्ह्यूज मिळाले असून अनेक कमेंट्सही आल्या होत्या. यासर्व गोष्टींनंतर आज आम्ही त्याच व्हिडीओचा सीक्वेल घेऊन आलो आहेत.'
'गर्ल्स लाइक यू' वर करण्यात आलं होतं लिपसिंक
ट्रिनाने ही पोस्ट शेअर करताना #sorrynotowelsthistimeguys, #girlslikeyou आणि #maroon5 असे हॅशटॅग दिले आहेत. दरम्यान, एक वर्षाआधी इन्स्टाग्राम आणि ट्विटरवर टॉवेल गुंडाळून चिमुरडी आणि तिच्या वडिलांचा हा व्हिडीओ फार चर्चेत आला होता. या दोघांमध्ये maroon5 चं पॉप्युलर गाणं 'गर्ल्स लाइक यू' वर लिपसिंक करत होते. ही चिमुरडी अत्यंत क्यूट अंदाजात आपल्या वडिलांसोबत एक्सप्रेशन्स देत होती. हा व्हिडीओ प्रचंड व्हायरल झाला होता आणि लोक या चिमुरडीच्या क्युटनेसचे फॅन झाले होते.
इन्स्टाग्रावर एका वर्षात कोट्यवधी व्ह्यूज मिळाले...
ट्रिना, मायलाची आई आहे. तिनेच नवीन आणि जुना हे दोन्ही व्हिडीओ शूट केले होते. ट्रिनाची व्हिडीओ पोस्ट इन्स्टाग्रामवर एक वर्षामध्ये 17,017,415 व्ह्यूज मिळाले आहेत. तसेच ऑक्टोबरमध्ये पोस्ट केलेल्या नवीन व्हिडीओ फक्त 13 तासांतच 4 लाख 90 हजारपेक्षा जास्त लोकांनी पाहिला आहे.
आता मायलाला छोटा भाऊसुद्धा आहे...
मायला आता मोठी झाली असून तिला एक छोटा भाऊसुद्धा आहे. मायलाच्या क्यूटनेसवर अजूनही अनेकजण फिदा आहेत.
मायला आतापासूनच एक स्टार आहे. इन्स्टाग्रामवर @mydarlingmyla या नावचं वेरिफाइड प्रोफाइल आहे. जे आतापर्यंत 447k लोकांनी फॉलो केलं आहे. हे अकाउंट तिची आई ट्रिना हॅन्डल करते.