Pre Wedding Photoshoot Video Viral: प्री वेडिंग फोटोशूटची क्रेझ आजकाल खूपच वाढली आहे. लोक वेगवेगळ्या लोकेशनवर जाऊन फोटोशूट करतात. वेगवेगळ्या स्टाईलने फोटोशूट करतात. कधी नदी तर कधी समुद्र किनारी फोटोशूट करतात. पण यावेळी अनेक अजब घटनाही घडतात. असंच एक कपल रात्रीच्या अंधारात नदीत फोटोशूट करत होतं आणि तेव्हाच एक साप त्यांच्याजवळ आला. पुढे काय होतं ते जाणून घेऊ.
एक कपल रात्री नदीच्या पाण्यात फोटोशूट करत होतं. तेव्हा काही फोटोग्राफर त्यांचे फोटो काढत होते. धूरही सोडण्यात आला होता. पण तेव्हाच एक साप अचानक त्यांच्याजवळ येतो. पण कपल आणि इतर लोकांनी शांतता राखत त्या सापाला शांतपणे पुढे जाऊ दिलं. साप त्यांच्याजवळ कसा आला आणि पुढे कसा निघून गेला ते या व्हिडिओत बघायला मिळतं.
व्हि़डिओच्या सुरूवातीला एक कॅमेरामन फोटो अॅंगल आणि फोटो आयडियावर बोलताना दिसत आहे. तेव्हाच एक साप तिथे येतो आणि कपलजवळ पोहोचतो. सगळ्यात आधी कॅमेरामनला साप दिसतो. हे तो सगळ्यांना सांगतो. अशात घाबरून पाण्याबाहेर जाण्याऐवजी सगळे शांत बसतात आणि सापाला जाऊ देतात. सापही कुणाला नुकसान न पोहोचवता सरळ पुढे निघून जातो. हा व्हिडीओ इन्स्टावर शेअर करण्यात आला आहे.