Funny Video on Social Media: क्रिकेटच्या मैदानात चाहते अनेकदा सामना सुरू असतानाच घुसतात. आपल्या आवडत्या खेळाडूंशी हस्तांदोलन किंवा त्यांच्या पाया पडण्यासाठी हे चाहते सुरक्षा कडे तोडून खेळपट्टीवर पोहोचतात. त्यामुळे अनेकदा खेळ थांबवावा लागतो. पण इंग्लंडमधील एका सामन्यादरम्यान तर हद्दच झाली. तिथे एका क्लब क्रिकेट मॅच दरम्यान एक मुलगा चक्क मैदानावर तेदेखील पिचवर पोहोचला. इतकेच नव्हे तर आश्‍चर्याची गोष्ट म्हणजे तो मुलगा थेट स्कूटर घेऊन खेळपट्टीवर पोहोचला. या घटनेचा व्हिडिओ सोशल मीडियावर चांगलाच व्हायरल झाला आहे.
व्हायरल व्हिडीओमध्ये दिसत आहे की, खेळाडू खेळपट्टीवर उभे आहेत आणि तेव्हाच एक लहान मूलगा त्याची स्कूटर चालवत खेळपट्टीवर पोहोचतो. मुलाला पाहून सर्व खेळाडू हैराण होतात. तसेच हा सर्व प्रकार पाहून पंचांनाही आश्चर्याचा धक्का बसतो. अखेर सुरक्षा कडे भेदून हा मूलगा खेळपट्टीवर स्कूटर घेऊन कसा पोहोचला? असा साऱ्यांनाच प्रश्न साऱ्यांनाच पडला. या मुलामुळे खेळही थांबवावा लागला. पण मुद्दा असा की, मुलाला कोणी काही बोलायच्या आधीच तो स्कूटर फिरवून परत निघून गेला. पाहा Video-
दरम्यान, भारतात रणजी सामन्यादरम्यान एक कार मैदानात घुसल्याचा प्रकारही घडला होता. रणजी ट्रॉफीदरम्यान एक व्यक्ती जीप घेऊन मैदानात घुसली होती. त्या सामन्यात गौतम गंभीर, इशांत शर्मा, सुरेश रैना, ऋषभ पंत हे प्रसिद्ध खेळाडूही खेळत होते. दिल्लीतील पालम एअरफोर्स मैदानावर हा सामना खेळला जात होता. संध्याकाळचा खेळ चालू होता आणि एक गाडी खेळपट्टीवर पोहोचली. या मैदानाच्या मुख्य गेटवर सुरक्षा व्यवस्था नसल्याने या घटनेनंतर मोठा गदारोळ झाला. मात्र, नंतर कार चालकाला दिल्ली पोलिसांनी ताब्यात घेतले होते.