Car accident in Gym Video: कार अपघाताचे अनेक व्हिडिओ तुम्ही पाहिले असतील. पण हा व्हिडिओ सोशल मीडियावर व्हायरल झाला आहे. हा व्हिडीओ खूपच धक्कादायक आहे. यामध्ये एक मुलगी कार घेऊन थेट जिमचा दरवाजा तोडून आत शिरते. यानंतर ती ट्रेडमिलला जोरात धक्का देते. त्यानंतर जे घडते त्याचा व्हिडीओ व्हायरल झाले.
दरवाजा तोडून कार आत घुसली...
एका यूजरने हा व्हिडिओ ट्विटरवर शेअर केला आहे. व्हिडिओमध्ये एक व्यक्ती जिममध्ये ट्रेडमिलवर वर्कआउट करताना दिसत आहे. तो ट्रेडमिलवर धावत आहे. दरम्यान, अचानक समोरील काचेचा दरवाजा तोडून कार आतमध्ये घुसते. त्याला काही समजण्याआधीच कार ट्रेडमिलला जोरात धडकते. कार धडकताच ट्रेडमिल काही फूट पुढे पडते आणि त्यावर व्यायाम करणारी व्यक्ती खूप अंतरावर जाऊन पडते. तो खाली पडल्यावर मुलगी कार थांबवते आणि ती गाडीतून खाली उतरते. पाहा Video-
कारच्या धडकेने पडलेल्या व्यक्तीला गंभीर दुखापत झाली असल्याचे बोलले जात आहे. मात्र एका मीडिया रिपोर्टनुसार, ही घटना काही काळापूर्वी घडली होती, जी आता व्हायरल होत आहे. ही घटना अमेरिकेतील लॉस एंजेलिसमधील आहे. जखमी व्यक्तीचे नाव सॅम्युअल असल्याचे सांगण्यात आले आहे. फॉक्स न्यूज सोबतच्या भयानक अनुभवाबद्दल बोलताना तो म्हणाला की मी वाचलो हा एक चमत्कार आहे. धडकेनंतर समोरची काच उडाल्याने मला मार लागला. मात्र आता त्याची प्रकृती सुधारत असल्याचे सांगितले जात आहे.