Canada UFO Video: जगभरात अनेकदा UFO दिसल्याचा दावा केला जातो. आता कॅनडामध्ये घडलेली घटना जगभरात चर्चेचा विषय ठरत आहे. प्रशांत महासागरावरुन प्रवास करणाऱ्या एका कार्गो जहाजाच्या सुरक्षा कॅमेऱ्यात समुद्राच्या अगदी जवळ UFO सदृष्य वस्तू दिसल्याचा दावा करण्यात आला आहे. हा व्हिडिओ सध्या सोशल मीडियावर तुफान व्हायरल होत असून, मोठी खळबळ माजली आहे.
कार्गो जहाजाच्या कॅमेऱ्यात कैद झाले रहस्यमय दृश्य
मीडिया रिपोर्ट्सनुसार, ही घटना 28 नोव्हेंबर रोजी रात्री 11.45 वाजता घडली. जपानहून वॅन्कुव्हरकडे जात असलेल्या ‘एमएस पॅसिफिक स्टार’ या मालवाहू जहाजाच्या ऑटोमॅटिक सुरक्षा कॅमेऱ्यांनी ही घटना कैद केली. व्हिडिओमध्ये ही वस्तू समुद्राच्या सुमारे 50-60 मीटर उंचीवर प्रचंड वेगाने उडताना दिसते. काही सेकंदातच ती अचानक गायब होते. धक्कादायक बाब म्हणजे, त्या वस्तूमधून निळसर प्रकाशकिरणे निघतात आणिसमुद्राच्या पाण्याला स्पर्श करतात.
जहाजाचे कॅप्टन रॉबर्ट माकेन्झी यांनी सांगितले की, सुरुवातीला आम्हाला ते ड्रोन किंवा एखादी सैन्याची उपकरणे असतील असे वाटले. पण त्याचा आकार, वेग आणि प्रकाश पाहून सर्व जण थक्क झाले. घटनेदरम्यान जहाजाचे रडार आणि जीपीएस काही क्षणांसाठी बंद पडल्याचा दावाही केला जातोय. कॅप्टनच्या मते, त्या वस्तूचा वेग जगातील कोणत्याही विमानापेक्षा अनेक पटीने अधिक होता. जहाजावरील 18 क्रू मेंबर्सने ही घटना प्रत्यक्ष पाहिल्याचे सांगितले आहे.
ही वस्तू मानव निर्मित नाही
व्हिडिओ व्हायरल झाल्यानंतर रॉयल कॅनेडियन एअर फोर्स आणि अमेरिकेची NORAD संस्था यांनीही याबाबत चौकशी सुरू केली आहे. काही संशोधकांचे म्हणणे आहे की, त्या वस्तूची हालचाल, वेग आणि प्रकाशकिरणांचा प्रकार मानवी तंत्रज्ञानाशी जुळत नाही. कॅनडाच्या संरक्षण मंत्रालयानेही अधिकृत निवेदन जारी करत म्हटले आहे की, ही बाब राष्ट्रीय सुरक्षेच्या दृष्टीने गंभीर असून संपूर्ण अहवाल लवकरच जाहीर करण्यात येईल. (टीप- लोकमत या व्हिडिओची पुष्टी करत नाही.)
Web Summary : A UFO-like object was reportedly filmed near Canada by a cargo ship. The object, moving at extreme speed, emitted blue light into the sea. Radar systems were disrupted. Canadian and US authorities are investigating the incident near Vancouver.
Web Summary : कनाडा के पास एक कार्गो जहाज द्वारा यूएफओ जैसी वस्तु को फिल्माया गया। यह वस्तु अत्यधिक गति से चल रही थी और समुद्र में नीली रोशनी उत्सर्जित कर रही थी। रडार सिस्टम बाधित हो गया। कनाडाई और अमेरिकी अधिकारी वैंकूवर के पास इस घटना की जांच कर रहे हैं।