सोशल मीडियावर लग्नाचे अनेक मजेदार व्हिडीओ व्हायरल होत असतात. यातील काही फनी असतात, जे बघितल्या बघितल्या लोटपोट होऊन हसायला येतं. तर काही व्हिडीओ पाहून आश्चर्यही वाटतं. असे व्हिडीओ यूजर्सना आवडतातही आणि ते शेअर करून त्यावर कमेंट्सही करतात. अशातच एक नवरी-नवरदेवाचा व्हिडीओ व्हायरल (Social Viral Video) झाला आहे. हा व्हिडीओ पाहून लोक अवाक् झाले आहेत.
लग्न समारंभीत नेहमीच गमती-जमती चालत राहतात. अनेक नवरी-नवरदेव गंमत करतात. तर काही पाहुणेही त्यांची मजा घेतात. या व्हिडीओत ज्याप्रकारचा प्रश्न नवरदेवाला विचारला आणि मग नवरदेवाने जसं उत्तर दिलं ते ऐकून सगळेजण काही सेकंदासाठी स्तब्ध झाले.
तुम्ही व्हिडीओत बघू शकता की, लग्न मंडपात जोरदार तयारी झाली आहे. नवरी-नवरदेवासोबत मोठ्या प्रमाणात पाहुणे बसले आहेत. पंडितजी रिती-रिवाज पार पाडत आहेत. अचानक नवरी नवरदेवाला विचारते की, तुला लग्न का करायचं आहे? यावर नवरदेव अजिबात उशीर न करता सांगतो की, 'मला जीवनात शांतता नको आहे'.
नवरदेवाचं हे उत्तर ऐकताच नवरीसह उपस्थित पाहुणेही थक्क होतात. पण नंतर सगळेजण हसू लागतात. हा व्हिडीओ आता व्हायरल झाला आहे. हा व्हिडीओ 'theweddingbrigade' नावाच्या इन्स्टाग्राम पेजवर शेअर करण्यात आला आहे. हा व्हिडीओ आतापर्यंत लाखो लोकांनी पाहिलाय.