Bride Groom Marriage Video: हल्लीच्या इंटरनेटच्या युगात कधी काय व्हायरल होईल, याचा काहीच नेम नाही. कधी कधी अतिशय साधी वाटणारी एखादी व्हिडीओ तुफान व्हायरल होते तर कधीकधी अगदी छोटा काही सेकंदांचा व्हिडीओही वाऱ्याच्या वेगाने पसरतो. त्यातच आता लग्नाचा मोसम असल्याने अनेक जोडप्यांचे लग्नातले व्हिडीओ, सजावटीचे व्हिडीओ अशा गोष्टी वाऱ्यासारख्या पसरताना दिसत आहेत. असाच एक लग्न सुरू असलेल्या जोडप्याचा व्हिडीओ सध्या चर्चेत आहे. लग्नात वधू-वर डान्स करतात किंवा काही मजेशीर एक्सप्रेशनही देतात. हल्लीच्या वेडिंग फोटोशूट मध्ये फोटोंसाठी काही वधू वर पोज देताना चुंबन घेतानाही दिसतात. पण सध्या व्हायरल झालेल्या व्हिडीओ काही वेगळीच गोष्ट घडलेली दिसली.
व्हिडीओमध्ये नक्की काय घडलं?
तुम्ही कधी विचार केला आहे की लग्नाच्या दिवशी तुम्हाला तुमची आवडती डेली सोप मालिका किंवा रिअॅलिटी शो पाहण्यासाठी पुरेसा वेळ मिळेल का? बहुतेक लोकांचे उत्तर असे असेल की नाही, अजिबात नाही! कारण लग्नाच्या गोंधळात असं काही विचार करणंही शक्य नाही. लग्नाचा सोहळा पार पडल्यानंतरच लोक त्यांचे आवडते शो सुरू ठेवू शकतात. असे असले तरी, काही लोक असेही आहेत जे टीव्ही मालिका आणि रिअॅलिटी शोचे प्रचंड चाहते असतात. त्यांना मालिकेचा कोणताही भाग चुकवायचा नसतो. सोशल मीडियावर असाच एक व्हिडिओ व्हायरल होत आहे, ज्यामध्ये वधू-वर त्यांच्या लग्नात जेवण करत असताना चक्क रिअॅलिटी शो पाहताना दिसले.
लग्नात वधू-वर नेमकं काय करत होते?
इंटरनेटवर व्हायरल होत असलेल्या एका व्हिडिओमध्ये तुम्ही पाहू शकता की, जयमाला समारंभ आणि फेरे समारंभ झाल्यानंतर वधू आणि वर जेवायला बसतात. वधू-वर एकत्र बसून जेवण करत असतात. त्यावेळी ते दोघे जे करतात, ते पाहून पाहुणेही थक्क होतात. दोघांना पाहून हे कळते की वधू-वरांना रिअॅलिटी शो "बिग बॉस" खूप आवडतो आणि त्यांना एकही एपिसोड चुकवायचा नसतो. त्यामुळेच ते दोघे एकत्र जेवण करताना बिग बॉस पाहणे पसंत करतात. हा व्हिडिओ सोशल मीडियावर चांगलाच व्हायरल होत आहे. पाहा व्हिडीओ-
वधू-वर जेवण करत असताना कॅमेरामनही तेथे पोहोचतो आणि त्यानंतर हे लोक मालिका पाहताना दिसतात. त्यांचा हा प्रकार तो आपल्या कॅमेऱ्यात रेकॉर्ड करतो. त्याचाच व्हिडिओ सध्या व्हायरल होताना दिसत आहे. हा व्हिडिओ इन्स्टाग्रामवर _payalraut_ नावाच्या युजरने शेअर केला असून तो शेअर करताना कॅप्शनमध्ये लिहिले आहे, "टॅग करो बिग बॉस फॅन को."