काही लोक सोशल मिडियावर चर्चेत येण्यासाठी काहीही करतात. काहीवेळा चर्चेत येण्यासाठी वेगवेगळे प्रँक केले जातात. काहीवेळा ज्यांच्यावर प्रँक केले जातात त्यांच हसू होतं तर काहीवेळा हा प्रँक करणाऱ्यावरच उलटु शकतो अन् लोक त्यालाच हसतात. असाच एक व्हिडिओ सोशल मिडियावर चर्चेचा विषय ठरला आहे.
व्हायरल होत असलेल्या व्हिडीओमध्ये माणूस काही तरुण मुले तसेच मुली आणि महिलांकडे जात आहे. बसलेल्या तसेच चालत असलेल्या माणसांकडे जाताच माणूस हातातील बॉक्स खाली पडत असल्याचे नाटक करतोय. अंगावर बॉक्स पडत असल्याचे पाहून नंतर ही माणसे चांगीलच घाबरत आहेत. एका मुलीचा तर चांगलाच गोंधळ उडाल्याचे दिसतेय. मुलगी बॉक्स अंगावर पडतील या भीतीने थेट रस्त्यावर कोसळली आहे. विशेष म्हणजे रस्त्यावर कोसळल्यानंतर तिच्या हातातील पेयसुद्धा खाली पडले आहे.
हा व्हिडीओ सोशल मीडियावर चांगलाच चर्चेत आला आहे. काही नेटकऱ्यांनी हा व्हिडीओ पाहून मजेदार प्रतिक्रिया दिल्या आहेत. तर काही नेटकऱ्यांनी व्हिडीओवर आक्षेप नोंदवलाय. काही नेटकऱ्यांनी तर लोकांना असे घाबरवणे चुकीचे असल्याचे म्हटले आहे. हा व्हिडीओ कुठला आहे, याबद्दल माहिती मिळू शकलेली नाही. मात्र त्याला hepgul5 या इन्स्टाग्राम अकाऊंटवर पाहता येईल.