पक्ष्यांचे तुम्ही विविध व्हिडिओ पाहिले असतील पण कधी पक्ष्याला चोरी करताना पाहिलंय. सध्या एक असा व्हिडिओ समोर आला आहे. ज्यात एक पक्षी चक्क मॉलमधुन चोरी करतोय. या पक्षाला चोरी करताना रंगेहाथ पकडण्यात आलं. फक्त ४७ सेकंदात त्याने ही चोरी केली...
यात एक पक्षी का स्टोअरच्या बाहेर फिरताना दिसत आहे. काही वेळानंतर हा पक्षी स्टोअरच्या आतमध्ये जातो आणि एक चिप्सचं पॅकेट उचलून घेऊन येतो. यानंतर आपल्या चोचीमध्ये चिप्सचं पॅकेट पकडतो अन् चोचीनंच फोडतो. यानंतर त्यातील चिप्स खाऊ लागतो.
हा व्हिडिओ व्हायरल हॉगच्या सोशल मीडिया प्लॅटफॉर्म ट्विटरवर (Twitter Video) अपलोड केला गेला आहे. या व्हिडिओला नेटकऱ्यांची चांगलीच पसंती मिळत आहे. अनेकांनी यावर कमेंटही केल्या आहेत. या व्हिडिओला आतापर्यंत भरपूर लाईक आणि रिट्विटही मिळाले आहेत. एका यूजरनं कमेंट करत म्हटलं, की हा पक्षी अतिशय हुशार आहे. दुसऱ्या एका यूजरनं लिहिलं, की पक्षी अतिशय स्मार्ट असतात. आणखी एकानं कमेंट करत लिहिलं, की अशा पक्षांना किंवा प्राण्यांना प्राणी संग्रहालयात ठेवलं पाहिजे, ते सर्वांचं मनोरंजन करतील.