Bihar News: बिहारच्या किशनगंज जिल्ह्यातील सौदागर पट्टी परिसरात घडलेली एक घटना सध्या चर्चेचा विषय ठरली आहे. एक महिला तिच्या तीन वर्षीय मुलासह कपड्यांच्या दुकानाबाहेर उभी होती. यावेळी अचानक हाय-टेन्शन वायर महिलेच्या अंगावर पडणार होती, तेवढ्यात मुलाने आपल्या आईला बाजुला खेचल्याने मोठा अनर्थ टळला. या घटनेचा व्हिडिओ सध्या सोशल मीडियावर व्हायरल होत आहे.
सविस्तर माहिती अशी की, गुरुवारी(२ ऑक्टोबर) दुपारी एक महिला आपल्या तीन वर्षाीय मुलासोबत कपड्यांच्या दुकानाबाहेर उभी होती. लहान मुलगा इकडे-तिकडे पाहत होता. अचानक मुलाचे लक्ष वर गेले अन् त्याला वीजेच्या तारेत स्पार्किंग झाल्याचे दिसले. त्याने क्षणाचाही विलंब न करता आपल्या आईचा हात घट्ट पकडला आणि तिला बाजूला ओढले.
आईला बाजुला ओढताच ११ हजार वोल्टची हाय टेंशन तार तिथे पडली. मुलाने जर वेळेत आईला खेचले नसते, तर मोठा अनर्थ घडला असता. हा थरकाप उडवणारा प्रसंग दुकानाच्या सीसीटीव्हीत कैद झाला. घटनेच्या वेळी परिसरातील नागरिक क्षणभर स्तब्ध झाले होते. एनबीटी बिहारने आपल्या अधिकृत एक्स अकाउंटवर हा व्हिडिओ पोस्ट केला आहे.
हा संपूर्ण प्रकार अवघ्या पाच सेकंदांत घडला. फुटेज पाहून तर सर्वांनीच आश्चर्य व्यक्त केले की, एवढ्या लहान वयात मुलाने इतक्या चपळाईने धोका ओळखून आईला वाचवले. सध्या या घटनेचा परिसरात जोरदार चर्चा होत आहे. सोशल मीडियावरही लोक त्या चिमुकल्याचे कौतुक करत आहेत.
Web Summary : In Bihar, a three-year-old boy saved his mother from a falling high-tension wire by pulling her away. The incident, captured on CCTV, shows the boy's quick thinking preventing a potential tragedy. The video is now viral, with people praising the child's bravery.
Web Summary : बिहार में एक तीन वर्षीय बच्चे ने अपनी माँ को हाई-टेंशन तार गिरने से बचाया। सीसीटीवी में कैद हुई घटना में लड़के की त्वरित सोच ने संभावित त्रासदी को टाल दिया। वीडियो वायरल हो रहा है, लोग बच्चे की बहादुरी की प्रशंसा कर रहे हैं।