Viral Video : सोशल मीडिया (Social Media) ही खरोखरच अशी एक गोष्ट आहे जिथे कधी आणि काय व्हायरल होईल हे सांगता येत नाही. फेसबुकवर (Facebook) पुन्हा एकदा एक सीसीटीव्ही व्हिडीओ व्हायरल (Viral CCTV Video) झाला आहे. हा व्हिडीओ २०२० मध्ये एका व्यक्तीनं आपल्या सोशल मीडिया अकाऊंटवर शेअर केला होता. पण पुन्हा एकदा हा व्हिडीओ व्हायरल होऊ लागलाय. यामध्ये एका म्हाताऱ्या काकांचं कृत्य पाहून लोकांना हसायला भाग पाडले आहे. रात्रीच्या अंधारात त्यांचं हे कृत्य सीसीटीव्हीमध्ये कैद झालंय. ब्युटी पार्लरच्या भिंतीवर महिलांचे पोस्टर पाहिल्यावर काकांनी जे कृत्य केलं ते पाहून तुम्हीही पोट धरून हसाल.
वास्तविक, हा व्हिडीओ फेसबुकवर एका यूजरने शेअर केला आहे. रात्रीच्या अंधारात एका रस्त्यावर समोरून एक काका येत असताना त्यांच्या शेजारी एक ब्युटी पार्लर दिसल्याचे व्हिडीओत दिसत आहे. सुरुवातीला त्यांनी ते ब्युटी पार्लरच्या बाजूने पुढे गेले. पण त्यानंतर लगेचच ते त्या ब्युटी पार्लरकडे परतले आणि त्या पार्लरच्या भिंतीजवळ गेले.