नवी दिल्ली : सध्या सोशल मीडियावर एक भन्नाट व्हिडीओ व्हायरल होत आहे, ज्याला पाहून सर्वांनाच धक्का बसत आहे. या व्हिडीओमध्ये आजीबाईंनी साडी नेसून धोकादायक स्टंट केला आहे. हा व्हिडीओ पाहून तुम्हीही क्षणभर अवाक व्हाल. वयाच्या 60व्या वर्षी कोणी असा धोकादायक स्टंट करण्याचे धाडस करेल का असा प्रश्न उपस्थित होत आहे.
दरम्यान, व्हायरल होत असलेल्या व्हिडीओत आजीबाईंनी पुलावरून नदीत उडी मारून सर्वांचे लक्ष वेधले आहे. अनेक वेळा महिला धोकादायक स्टंट करून लोकांना घाबरवतात. याचाच प्रत्यय देणारा व्हिडीओ सोशल मीडियावर व्हायरल होत आहे.
या व्हिडीओमध्ये काही मुले नदीच्या काठावर अंघोळ करत असल्याचे स्पष्टपणे दिसत आहे. त्यापैकी काही मुले पोहत आहेत. त्यांच्यासोबत आजीही आल्या आहेत. सगळी मुले अंघोळीत मग्न आहेत. तितक्यात आजी देखील अंघोळ करण्याचा विचार करतात. यानंतर आजीबाई साडीचा पदर बांधून पूलावर चढतात. त्याला पाहून सगळेच आश्चर्यचकित होतात. त्यानंतर वृद्ध महिलेने तलावातून उडी मारली. हा व्हिडीओ सुप्रिया साहू IAS नावाच्या युजरने सोशल मीडिया फ्लॅटफॉर्म ट्विटरवर शेअर केला आहे. तर, मोठ्या संख्येने नेटकऱ्यांनी कमेंट करून वृद्ध महिलेचे कौतुक केले आहे.
सर्व ठळक बातम्यांसाठी जरूर वाचा महाराष्ट्रातील अव्वल मराठी वेबसाईट "लोकमत डॉट कॉम"