Arm Wrestling: गेल्या काही वर्षांमध्ये आर्म रेसलिंग हा खेळ प्रचंड लोकप्रिय झाला आहे. जगाच्या कानाकोपऱ्यात आर्म रेसलिंगच्या भव्य स्पर्धा भरवल्या जातात. कुस्ती, बॉक्सिंगप्रमाणेच या खेळातही खेळाडू आपली शारीरिक ताकद दाखवतात. पण या खेळात इतर खेळांप्रमाणेच गंभीर इजाही होतात. सध्या सोशल मीडियावर असाच एक व्हिडीओ व्हायरल होतोय, जो पाहून तुमच्याही अंगावर शहारे येतील.
व्हायरल व्हिडिओनुसार, पंजा लढवण्याची स्पर्धा सुरू होती, यावेळी एक तरुण केवळ मौजेसाठी पंजा लढवायला गेला. त्याच्यासमोर एक तगडा प्रतिस्पर्धी होता, त्यांच्यात आर्म रेसलिंग सुरू झाली. पण, अवघ्या काही सेकंदात या तरुणाचा हात मोडला. हा धक्कादायक व्हिडिओ सोशल मीडिया प्लॅटफॉर्म ट्विटरवर @gharkekalesh नावाच्या व्यक्तीने शेअर केला आहे.
अवघ्या 33 सेकंदांचा हा व्हिडिओ आतापर्यंत 75 हजारांहून अधिक वेळा पाहिला गेला आहे, तर शेकडो लोकांनी या व्हिडिओला लाईकही केले आहे. हा व्हिडिओ पाहिल्यानंतर युजर्सनी वेगवेगळ्या प्रतिक्रिया दिल्या आहेत. एका यूजरने लिहिले की, 'तुम्हाला आर्म रेसलिंग येत असेल, तरच तुम्ही हे करा.' दुसऱ्या युजरने लिहिले की, 'भाऊ, हे पाहून माझाच हात दुखायला लागला.'