सोशल मीडियावर नेहमीच एखादी अ‍ॅम्बुलन्स ट्रॅफिकमध्ये अडकल्याची चर्चा होत असते. याचे व्हिडीओ सुद्धा नेहमीच व्हायरल होत असतात. अ‍ॅम्बुलन्सचा हा व्हिडीओ पाहून लोक अवाक् झाले आहेत. याचं कारण आहे अ‍ॅम्बुलन्सचा स्पीड. अ‍ॅम्बुलन्सचा स्पीड पाहून तुम्ही वेगवान कार विसरून जाल. हा व्हि़डीओ केरळमधील असून एक अ‍ॅम्बुलन्स हॉस्पिटलकडे जात आहे.
रहदारीच्या रस्त्यावरून अ‍ॅम्बुलन्स कधी वेगाने जाताना तुम्ही पाहिली नसेल. पण केरळमधील या व्हिडीओत तुम्हाला ते बघायला मिळतं. गर्दीच्या रस्त्यावरून ड्रायव्हर अ‍ॅम्बुलन्स इतक्या वेगाने चालवत आहे की, बघणाऱ्यांचे डोळे उघडेच राहतील. चौकात कितीतरी गाड्या असूनही ड्रायव्हरने कमालीचा कट मारत गाडी पुढे नेली. हा व्हिडीओ व्हायरल झाला असून लोक भरभरून यावर कमेंट करत आहेत.
या व्हिडीओवर सोशल मीडिया यूजर्स भरभरून कमेंट करत आहेत. काही लोक म्हणत आहेत की, इतक्या स्पीडने गाडी चालवली तर रूग्ण खाली पडेल. तर काही लोकांनी गाडीच्या स्पीडचं आणि ड्रायव्हरचं कौतुक केलंय. हा व्हिडीओ व्हायरल झाला आहे. रूग्णांचा जीव वाचवण्यासाठी ड्रायव्हर आपलं बेस्ट देत असतात. त्याचच हे उदाहरण म्हणता येईल.