आजच्या AI युगात, जे दिसतं ते सत्य आहं असं समजणं अत्यंत धोकादायक आहे. हल्ली फोटो इतके कुशलतेने एडिट केले जाऊ शकतात की मोठ्या कंपन्यांमधील बुद्धिमान लोक, डॉक्टर आणि HR देखील सहजपणे फसले जाऊ शकतात. सोशल मीडियावर अशीच एक गोष्ट सध्या जोरदार व्हायरल होत आहे. एका कर्मचाऱ्याने AI वापरून त्याच्या हातावर जखम निर्माण केली आणि मेडिकल लिव्ह घेतली. विशेष म्हणजे हा फोटो AI-जनरेटेड आहे हे कोणालाच समजलं नाही.
ही संपूर्ण घटना X वर व्हायरल झाली. पोस्टनुसार, कर्मचाऱ्याने त्याच्या हाताचा स्पष्ट फोटो काढला. तिथे कोणतीही जखम नव्हती, सूज नव्हती, रक्त नव्हते. त्यानंतर त्याने जेमिनी नॅनो सारख्या एआय टूलमध्ये फक्त Apply an injury on my hand ही एक ओळ टाइप केली. काही सेकंदात, एआयने त्याच्या हातावर अशी जखम निर्माण केली की कोणालाही ती खरी जखम वाटेल.
कर्मचाऱ्याने हा फोटो एचआरला पाठवला आणि दावा केला की तो बाईकवरून पडला आहे. एचआरने कोणतीही चौकशी न करता सुटी मंजूर केली. त्याला दुसरे कोणतेही प्रश्न विचारले गेले नाहीत किंवा मेडिकल सर्टिफिकेट मागितलं नाही. एचआरला हा फोटो बनावट आहे याची कल्पना नव्हती. सोशल मीडियावर ही पोस्ट पाहिल्यानंतर, लोकांनी चिंता व्यक्त केली आहे.
एआयच्या युगात, सत्य आणि खोटेपणा यात फरक करणं दिवसेंदिवस कठीण होत चाललं आहे. अनेक युजर्सनी म्हटलं की एआय-निर्मित अनेक फोटो सहजपणे उपलब्ध होतात, तर काही इतके वास्तववादी असतात की कोणालाही फसवलं जाऊ शकतं. त्यामुळे आपली दिशाभूल होऊ शकते. याचा जसा फायदा आहे तसा तोटाही असल्याचं म्हटलं जातं.
Web Summary : An employee used AI to create a fake hand injury and successfully obtained medical leave. The HR department was deceived by the AI-generated image, raising concerns about distinguishing reality from falsehood in the age of AI.
Web Summary : एक कर्मचारी ने एआई का उपयोग करके हाथ पर नकली चोट बनाई और सफलतापूर्वक मेडिकल छुट्टी प्राप्त की। एआई द्वारा उत्पन्न छवि से एचआर विभाग धोखा खा गया, जिससे एआई के युग में वास्तविकता और झूठ के बीच अंतर करने के बारे में चिंताएं बढ़ गईं।