ओटवणे पंचक्रोशीला वादळाचा तडाखा, सोसाट्याच्या वाऱ्यामुळे झाडांची पडझड

गेले दोन दिवस सतत चालू असलेल्या मुसळधार पावसामुळे ओटवणे पंचक्रोशीला झोडपून काढले. पावसासोबत वाहणाऱ्या सोसायट्याच्या वाऱ्यामुळे अनेक ठिकाणी झाडांची पडझड झाली, तर काही ठिकाणी झाडे उन्मळून रस्त्यावर पडली.

ठळक मुद्देओटवणे पंचक्रोशीला वादळाचा तडाखा, सोसाट्याच्या वाऱ्यामुळे झाडांची पडझडओटवणे-सावंतवाडी वाहतूक पाच तास ठप्प

सावंतवाडी : गेले दोन दिवस सतत चालू असलेल्या मुसळधार पावसामुळे ओटवणे पंचक्रोशीला झोडपून काढले. पावसासोबत वाहणाऱ्या सोसायट्याच्या वाऱ्यामुळे अनेक ठिकाणी झाडांची पडझड झाली, तर काही ठिकाणी झाडे उन्मळून रस्त्यावर पडली.गेले काही दिवस जिल्ह्यात पावसाचा लपंडाव सुरू आहे. सोमवारी व मंगळवारी झालेल्या मुसळधार पावसामुळे ओटवणे-सावंतवाडी मुख्य रस्त्यावर ओटवणे मंदिराशेजारील माडाचे भले मोठे झाड सकाळी रस्त्यावर उन्मळून पडले. त्यामुळे ओटवणे-सावंतवाडी वाहतूक सुमारे पाच तासासाठी ठप्प होती.सकाळच्या वेळेस झालेल्या या प्रकारामुळे सकाळच्या वेळेस घरातून कामावर जाण्यासाठी निघालेल्या ग्रामस्थांचे हाल झाले. हा प्रकार ओटवणे ग्रामस्थाच्या लक्षात येताच नरेंद्र कविटकर, रवींद्र कोटकर, परशुराम नाईक, बाबी देवळी, अजीत देवळी आदी ग्रामस्थांनी घटनास्थळी धाव घेत माडाचे झाड बाजूला करत रस्त्यावरील वाहतूक खुली केली.