ठळक मुद्देभरधाव कंटेनरची जेसीबीला धडककंटेनर चालकाविरोधात गुन्हा दाखल
कणकवली : मुंबई-गोवा महामार्गावर जानवली-पावणादेवीकडे जाणाऱ्या रस्त्यासमोर उभ्या असलेल्या जेसीबीला मुंबईच्या दिशेने जाणाऱ्या भरधाव कंटेनरने मागून धडक दिली. या अपघातात जेसीबीत बसलेले विठ्ठल सतीश चौगुले यांच्या डोक्याला व पायाला दुखापत झाली आहे. तर जेसीबीचेही नुकसान झाले आहे.हा कंटेनर (क्रमांक एम. एच. ४३-डीबी-२९०५) मुंबईच्या दिशेने जात असताना चालकाचा ताबा सुटल्याने त्याने रस्त्यावर उभ्या जेसीबीला धडक दिली. या अपघातात जेसीबीचे सुमारे ४ लाख रुपयांचे नुकसान झाले आहे.या अपघाताची माहिती जेसीबी मालक रामदास विखाळे यांनी कणकवली पोलीस ठाण्यात दिली आहे. या अपघातप्रकरणी कंटेनर चालकाविरोधात गुन्हा दाखल करण्यात आला आहे. अधिक तपास कणकवली पोलीस करीत आहेत.