आंनदव्हाळ येथे डंपर- दुचाकीत अपघात, कर्नाटकातील दोघे गंभीर जखमी

चौके : मालवण कसाल मार्गावर आनंदव्हाळ येथील सर्विसींग सेंटर जवळच्या वळणावर आज, बुधवारी सकाळी मालवणवरुन येणारा डंपर आणि मालवणच्या दिशेने जाणाऱ्या दुचाकीमध्ये भीषण अपघात झाला. या अपघातात दुचाकीवरील कर्नाटकातील दोघे युवक गंभीर जखमी झाले.कर्नाटकातील चिकोडी येथील ओंकार येडूरे आणि विनायक येडूरे अशी जखमी युवकांची नावे आहेत. जखमींना उपचारासाठी जिल्हा रुग्णालयात दाखल करण्यात आले आहे.आज, बुधवारी सकाळी मालवणवरुन चौके येथे चिरे वाहतूक करणाऱ्या डंपर (mh-०७- aj ०५१५) आणि मालवणच्या दिशेने जाणाऱ्या दुचाकी (ka २३- ex-००३०) मध्ये अपघात झाला. या अपघातात कामानिमित्त मालवणला येणाऱ्या दुचाकीवरील ओंकार आणि विनायक येडूरे हे दोघे गंभीर जखमी झाले. अपघातात एकाच्या पायाला तर दुसऱ्याच्या डोक्याला गंभीर दुखापत झाली. जखमीना उपचारासाठी  जिल्हा रुग्णालयात दाखल करण्यात आले.अपघातात दुचाकीचे मोठे नुकसान झाले आहे. याबाबत अधिक तपास मालवण पोलिस ठाण्याचे पो. कॉ. सुभाष शिवगण, पो. कॉ. जानकर करीत आहेत.