- प्रकाश काळेलोकमत न्यूज नेटवर्क वैभववाडी(सिंधुदुर्ग): करुळ घाटात पहाटेच्या सुमारास डंपरला अपघात झाला. चालकाचा ताबा सुटून डंपर दरीत कोसळला. चालकाशी संपर्क होत नसल्याने तो डंपरखाली दरीत अडकला असण्याची शक्यता व्यक्त केली जात आहे.
या अपघाताची माहिती समजताच पोलिस हवालदार राहुल पवार तातडीने अपघातस्थळी पोहोचले. त्यांनी पोलिस निरीक्षक आणि सह्याद्री जीवरक्षक संस्थला अपघाताची माहिती दिली. त्यामुळे पोलिस निरीक्षक फुलचंद मेंगडे, हवालदार नितीन खाडे, पोलिस नाईक राहुल पवार, रमेश नारनवर, पोलिस शिपाई अजित पडवळ, हरिश जायभाय आणि सह्याद्री जीवरक्षक संस्थेचे पथक बचावकार्यासाठी अपघातस्थळी पोहोचले आहेत.
नवीन चौगुले असे चालकाचे नाव असल्याचे समजते. हा डंपर सिलिका वाळू भरुन कणकवलीहून कोल्हापूरकडे निघाला होता. पोलिस आणि सह्याद्री जीवरक्षक संस्थेचे पथक बचावकार्य सुरु केले आहे.