ठळक मुद्देकणकवली नजीक जानवली नदीपुलाजवळ कंटेनर उलटलाकंटेनरवरील नियंत्रण सुटले, चालक जागीच ठार
कणकवली : गोव्याहून पनवेलच्या दिशेने जाणारा कंटेनर कणकवली शहरालगत जानवली नदीपुलानजीक उलटी होऊन झालेल्या अपघातात कंटेनर चालक जागीच ठार झाला आहे. महेंद्र रघुनाथ भोसले (वय ४५ रा. बीभळी, ता.फलटण, सातारा ) असे मृत चालकाचे नाव आहे.चालकाचे अचानक कंटेनरवरील नियंत्रण सुटले. त्यामुळे मुंबई- गोवा महामार्गावरील रस्ता दुभाजकावर कंटेनर चढला आणि उलटला. त्याचवेळी चालकाने कंटेनर मधून उडी मारली. मात्र, पलटलेल्या कंटेनरखाली चालक महेंद्र भोसले सापडला आणि ठार झाला.
सोमवारी सकाळी ७ वाजण्याच्या सुमारास हा अपघात घडला. अपघातस्थळी वाहतूक पोलीस संदेश अबीटकर, वैभव कोळी , पोलीस उपनिरीक्षक अनमोल रावराणे यांनी तत्काळ धाव घेतली. तसेच घटनास्थळाची पहाणी करून पंचनामा केला. या घटनेचा अधिक तपास पोलीस करीत आहेत.