सिंधुदुर्ग : देवगड निपाणी राज्य मार्गावर वटवृक्ष उन्मळून पडल्याने या मार्गावरील वाहतूक पुर्णपणे ठप्प झाली आहे.अजूनपर्यंत वटवृक्ष बाजूला करण्यास संबंधित विभागाचे कर्मचारी आले नसल्याने वाहनांची दुतर्फा रांग लागली आहे. ही घटना सकाळी १०:३० च्या तोंडवली बोभाटेवाडी येथे घडली आहे.देवगड निपाणी मार्गावर जुनाट असलेला हा वटवृक्ष मोडकळीस आला होता. याबाबत लगतच्या मालकांनी संबंधित विभागाला माहीती देऊनही त्याकडे दुर्लक्ष केले गेले. मात्र दैव बलवत्तर म्हणून शालेय विद्यार्थी व पालक यावेळी तिथून जात असताना ही घटना घडली आणि काही फुटाचे अंतर असतानाच वृक्ष कोसळला. मात्र कोणत्याही प्रकारची इजा कुणाला झाली नाही.दरम्यान, संततधार पावसामुळे अनेक ठिकाणी पडझडीच्या घटना आता समोर येत असून नागरिकांनी आवश्यक काळजी घेण्याचे आवाहन प्रशासनाने केले आहे.
देवगड-निपाणी महामार्गावर तोंडवलीत वटवृक्ष कोसळला, वाहतूक ठप्प
By महेश विद्यानंद सरनाईक | Updated: July 7, 2023 11:53 IST